Lok sabha election 2024 : काँग्रेसकडे निवडणूक लढवायला पैसे का नाही? राहुल गांधींनी दिले उत्तर

'निवडणूक लढवायला पैसे नाहीत'

यावेळी काँग्रेस नेते अजय माकन म्हणाले की, "काँग्रेस पक्षाचा निधी वापरण्यास सक्षम नाही. आम्ही प्रसिद्धीसाठी पैसे खर्च करू शकत नाही. ही कसली लोकशाही? आमच्यावर 30 ते 35 जुनी केसेस उघडून ते आम्हाला पैसे वापरू देत नाहीत."

"उमेदवारांना देण्यासाठी आमच्याकडे पैसे नाहीत", असे माकन म्हणाले. "आमच्याकडे निवडणूक लढवायला पैसे नाहीत. आयकर विभागाने काँग्रेस पक्षाला जारी केलेली नवीन नोटीस १९१४-१९९५ मधील आहे. 14 मार्च रोजी ही नोटीस देण्यात आली होती. ही बाब 30 वर्षे जुनी असून आताच ही नोटीस का बजावण्यात आली आहे? असा प्रश्न त्यांनी उपस्थित केला.

हेही वाचा >> शिंदेंच्या सेनेच्या 'या' जागांवर भाजपचा कब्जा! 

अजय माकन म्हणाले की, "प्रत्येक राजकीय पक्षाला करातून सूट देण्यात आली आहे. अशा स्थितीत काँग्रेसला आयकर नियम लागू होत नसताना आम्हाला का टार्गेट केले जात आहे? आम्हाला 100 टक्क्यांहून अधिक दंड ठोठावण्यात आला आहे. आयकर विभागाच्या अधिकाऱ्यांनी आमच्या बँक खात्यातून जबरदस्तीने 115 कोटी रुपये बँकांमध्ये ट्रान्सफर केले आहेत."