केआरकेच्या विरोधात अटक वारंट जारी; मनोज वाजपेयीने काय केली होती तक्रार?
Kamal Rashid Khan arrest warrant: इंदूर जिल्हा न्यायालयाने चित्रपट निर्माता-अभिनेता कमाल रशीद खान उर्फ केआरके विरोधात अटक वॉरंट (Arrest Warrant) जारी केले आहे. प्रसिद्ध अभिनेता मनोज वाजपेयी (Manoj Vajpeyi) याने केआरकेविरोधात गुन्हा दाखल केला होता. या खटल्याच्या सुनावणीदरम्यान त्याच्या अनुपस्थितीमुळे न्यायालयाने केआरकेविरुद्ध अटक वॉरंट जारी केले. (Arrest warrant issued against KRK; What did Manoj Vajpayee […]
ADVERTISEMENT
Kamal Rashid Khan arrest warrant: इंदूर जिल्हा न्यायालयाने चित्रपट निर्माता-अभिनेता कमाल रशीद खान उर्फ केआरके विरोधात अटक वॉरंट (Arrest Warrant) जारी केले आहे. प्रसिद्ध अभिनेता मनोज वाजपेयी (Manoj Vajpeyi) याने केआरकेविरोधात गुन्हा दाखल केला होता. या खटल्याच्या सुनावणीदरम्यान त्याच्या अनुपस्थितीमुळे न्यायालयाने केआरकेविरुद्ध अटक वॉरंट जारी केले. (Arrest warrant issued against KRK; What did Manoj Vajpayee complain about?)
इंदूरच्या न्यायदंडाधिकारी (प्रथम वर्ग) यांनी गुरुवारी वॉरंट जारी करताना या प्रकरणाच्या पुढील सुनावणीसाठी 10 मे ही तारीख निश्चित केली आहे. याआधीही सुनावणीदरम्यान खान हजर न राहिल्याने कोर्टाने त्याच्याविरुद्ध जामीनपात्र वॉरंट जारी केले होते. मनोजच्या वकिलाच्या वतीने अर्जात म्हटले आहे की, खान याला त्याच्याविरुद्ध सुरू असलेल्या खटल्याची माहिती आहे, परंतु तो उशीर करण्याच्या उद्देशाने सुनावणीला हजर होत नाहीत.
‘फॅमिली मॅन 2’ बद्दलच्या चर्चांवर अभिनेता मनोज वाजपेयी म्हणाला…
केआरके म्हणाला ‘ते ट्विटर हँडल विकले’
13 डिसेंबर 2022 रोजी मध्य प्रदेश उच्च न्यायालयाने कमाल खानची याचिका फेटाळून लावली, ज्यामध्ये त्याने त्याच्याविरुद्धचा मानहानीचा खटला रद्द करण्याचे आवाहन केले होते. KRK च्या वकिलाने हायकोर्टात दावा केला होता की ज्या ट्विटर हँडलवरून 2021 मधील ट्विटवर प्रश्नचिन्ह उपस्थित केले जात आहे त्यापैकी एक ‘KRK बॉक्स ऑफिस’ ऑक्टोबर 2020 मध्ये सलीम अहमद नावाच्या व्यक्तीला विकले गेले आहे. केआरकेच्या वकिलांनी सांगितले होते की, त्याने मनोजविरोधात जाणूनबुजून कधीही ट्विट केले नाही.
केआरकेने मनोजला ‘ड्रग अॅडिक्ट’ म्हटलं होतं
अभिनेता मनोज वाजपेयीने त्याच्या ट्विटनंतर 2021 मध्ये KRK विरोधात गुन्हा दाखल केला होता. केआरकेने आपल्या ट्विटमध्ये ‘द फॅमिली मॅन’ या वेब सीरिजसाठी मनोजवर निशाणा साधला. त्याने सांगितले होते की त्याला मनोजच्या शोच्या कथेबद्दल कॉमेडियन सुनील पाल यांच्याकडून कळले, ज्यामध्ये त्याची पत्नी आणि अल्पवयीन मुलगी दोघांचेही बॉयफ्रेंड आहेत. कथेवर आणखी टीका करताना केआरकेने मनोजला ‘नशेडी, गंजेडी’ असे लिहिले होते.
KRK arrest : इरफान खान-ऋषी कपूर यांच्याविरोधात ट्विट करणं भोवलं, कमाल खानला अटक
मनोजबद्दल सांगायचे तर त्याच्या ‘द फॅमिली मॅन’ दोन्ही सीझन खूप लोकप्रिय झाले होते. या शोमध्ये त्याची भूमिका श्रीकांत तिवारी लोकांना खूप आवडली होती. ओटीटी कंटेंटमध्ये मनोजचे नाणे जोरदार चालू आहे. नुकताच डिस्ने प्लस हॉटस्टारवर त्याचा ‘गुलमोहर’ हा फॅमिली ड्रामा चित्रपटही प्रदर्शित झाला. या चित्रपटात मनोजसोबत शर्मिला टागोरही होत्या.
हे वाचलं का?
