बॉलिवूड अभिनेता हृतिक रोशनला अभिनेत्री कंगना रणौत प्रकरणादरम्यान समन्स बजावण्यात आला आहे. सीआययुतर्फे म्हणजेच गुन्हेगारी गुप्तवार्ता पथकातर्फे हा समन्स बजावण्यात आलाय. यानुसार येत्या हृतिकला 27 फेब्रुवारी रोजी म्हणजेच उद्या जबाब नोंदवण्यासाठी हजर रहावं लागणार आहे. कंगना आणि हृतिक यांच्यात झालेल्या ईमेल्सच्या वादावरून हृतिकची चौकशी केली जाणार आहे.
2016 साली हृतिककडून तक्रार दाखल करण्यात आली होती ज्यामध्ये, त्याच्या नावाने फेक आयडी तयार करून कंगनाशी संवाद साधला असल्याचं म्हटलं होतं. तर दुसरीकडे कंगनाने हृतिक आपल्याला सतत इमेल पाठवून त्रास देत असल्याचा आरोप केला होता. यावर हृतिकने आपण कंगनाला कोणतेही इमेल पाठवले नसल्याचा खुलासाही केला होता.
हृतिकने याबाबत मुंबई पोलिसांच्या सायबर सेलकडे तक्रार केली होती. ही केस आता सायबर सेलकडून सीआययुकडे ट्रान्सफर करण्यात आलीये. आता हृतिक रोशन याच्या तक्रारीचा नव्याने तपास सुरु झाला आहे. यासाठीच हृतिकला त्याचा सविस्तर जबाब नोंदवण्यासाठी बोलावण्यात आहे.
ह्रतिक आणि कंगनाने 2013 मध्ये क्रिश 3 सिनेमात सोबत काम केलं होतं. शिवाय एका इंटरव्यू दरम्यान बोलताना कंगनाने ह्रतिकचा उल्लेख ‘सिली एक्स’ असा केला होता. यानंतर ह्रतिकने कंगनाला कायदेशीर नोटीसही पाठवली होती. तसंच ह्रतिकने त्याच्यात आणि कंगनामध्ये अफेअर नसल्याचं म्हटलं होतं. कायदेशीर नोटीस पाठवत सार्वजनिकपणे माफी मागावी अशी मागणीही हृतिकने केली. यावर कंगनाने माफी मागण्यास नकार दिला. तसंच 2014 मध्ये आमचं अफेअर असल्याचा असा दावाही कंगनाने केला. कंगनाने ह्रतिकला नोटीस पाठवली आणि आपण पाठवलेली नोटीस मागे असा इशाराही दिला
