Ladka Bhau Yojana GR Download: लाडका भाऊ योजनेचा जीआर करा डाऊनलोड, तरुणांनो पाहा पैसे कसे मिळतील!
Ladka Bhau Yojana: लाडका भाऊ योजनेचा जीआर आता आपल्याला डाऊनलोड करता येईल. याच जीआरमध्ये तरुणांना नेमके कसे पैसे मिळणार हे समजू शकेल.
ADVERTISEMENT
How to download Ladka Bhau Yojana GR: मुंबई: महाराष्ट्रात मुख्यमंत्री युवा कार्य प्रशिक्षण योजना ही योजना शिंदे सरकारने सुरू केली आहे. पण ही योजना आता माझा लाडका भाऊ या नावाने ओळखली जात आहे. या योजनेंतर्गत महाराष्ट्र सरकार सुशिक्षित तरुणांना 6000 हजार ते 10000 हजार रुपयांपर्यंत विद्यावेतन देणार आहे. पण सरकारकडून मिळणारे हे पैसे नेमके कसे मिळवायचे याबाबत जर आपल्याला जाणून घ्यायचं असेल तर या जो जीआर आहे तो तुम्ही डाऊनलोड करा आणि त्यातील नेमक्या अटी आणि नियम हे समजून घ्या. (gr of ladka bhau yojana see how to download youths know how get money from maharashtra government)
लाडका भाऊ योजनेचा जीआर डाऊनलोड करण्यासाठी यावर क्लिक करा>> View PDF
लाडका भाऊ योजनेचा संपूर्ण GR
राज्यातील युवकांना त्यांच्या शिक्षणानंतर प्रत्यक्ष कामाचे प्रशिक्षण देवून त्यांची नोकरी मिळण्याची क्षमता (Employability) वाढविण्यासाठी “मुख्यमंत्री युवा कार्य प्रशिक्षण योजना – CM Youth Work Training Scheme” सन २०२४-२५ या आर्थिक वर्षापासून सुरु करण्यास मान्यता देण्यात येत आहे.
मुख्यमंत्री युवा कार्य प्रशिक्षणाचे स्वरूपः
महाराष्ट्र शासनाच्या कौशल्य, रोजगार, उद्योजकता व नाविन्यता विभाग आणि मुख्यमंत्री जन-कल्याण कक्ष यांच्यामार्फत संयुक्तपणे मुख्यमंत्री युवा कार्य प्रशिक्षण योजना राबवली जाणार आहे. या उपक्रमांर्तगत तयार केलेल्या संकेतस्थळाच्या माध्यमातून रोजगार इच्छुक उमेदवार आणि रोजगार उपलब्ध करून देणारे उद्योजक जोडले जातील. रोजगार इच्छुक उमेदवारांना प्रत्यक्ष कामाचा अनुभव प्रशिक्षणातून मिळून त्यांची क्षमतावाढ होईल तसेच उद्योजकांना त्यांच्या उद्योगासाठी आवश्यक असणारे मनुष्यबळ कार्य प्रशिक्षण (CM Youth Work Training Scheme) योजनेद्वारे उपलब्ध करून देण्यात येईल. रोजगार इच्छुक उमेदवार आणि प्रशिक्षण देऊ इच्छिणारे उद्योजक विभागाचे संकेतस्थळावर सुलभतेने नोंदणी करतील.
हे वाचलं का?
