Raosaheb Danve : महायुतीत मिठाचा खडा, शिंदेंच्या नेत्याला रावसाहेब दानवे औरंगजेब म्हणाले, तर स्वत:ला थेट शिवरायांची उपमा
माजी केंद्रीय मंत्री आणि भादप नेते रावसाहेब दानवे यांना अब्दुल सत्तार यांच्याविषयी प्रश्न विचारण्यात आला असता त्यांनी मला तुम्ही औरंगजेबाद्दल का पश्न करता, मी शिवाजी आहे असं विधान केलं आहे.
ADVERTISEMENT
बातम्या हायलाइट
माजी केंद्रीय मंत्री रावसाहेब दानवे अब्दुल सत्तार यांच्यावर बरसले
अब्दुल सत्तार यांना दिली थेट औरंगजेबाची उपमा
रावसाहेब दानवे का संतापले? नेमकं काय घडलं?
राज्यात सध्या मोठ्या जल्लोषात दिवाळी साजरी केली जातेय, फटाके फोडले जातायत. तर दुसरीकडे राजकारणात सुद्धा रोज नवे बॉम्ब फुटताना दिसत आहेत. राज्यात सध्या नेत्यांच्या लढती चर्चेत आहेत. तर तिकडे जालना जिल्ह्यात गेल्या काही काळापासून अब्दुल सत्तार आणि रावसाहेब दानवे यांच्यातला वादही चांगलाच चर्चेत आहे. त्यातच एका टीव्ही चॅनलवरील मुलाखतीत माजी केंद्रीय मंत्री आणि भाजप नेते रावसाहेब दानवे यांना अब्दुल सत्तार यांच्याविषयी प्रश्न विचारण्यात आला असता, त्यांनी "मला तुम्ही औरंगजेबाद्दल का पश्न करता, मी शिवाजी आहे" असं विधान केलं आहे. (Raosaheb Danve targets Abdul sattar amid vidhan sabha)
हे ही वाचा>>Ajit Pawar : ...म्हणून आम्ही वेगळा पाडवा साजरा करायचा निर्णय घेतला, अजित पवार यांनी सांगितलं कारण
कन्नड, सिल्लोड आणि फुलंब्रीमध्ये महायुतीचा धर्म पाळला जाणार का असा प्रश्न विचारताच संतापलेल्या रावसाहेब दानवे म्हणाले की, "सत्तार काय बोलतात ते सोडा... औरंगजेब काय बोलतो, ते मला शिवाजीला कशाला विचारता? सत्तार औरंगजेब आहे आणि मी शिवाजी आहे. अब्दुल सत्तार यांना सिल्लोडच्या लोकांवर एक छाप टाकायची आहे... पण ते या निवडणुकीत चालणार नाही" असं विधान रावसाहेब दानवे यांनी केलेलं आहे. स्वत:ची तुलना छत्रपती शिवरायांशी आणि अब्दुल सत्तार यांची तुलना थेट औरंगजेबाशी केल्यानं रावसाहेब दानवे यांच्या या वक्तव्यामुळे वाद निर्माण होण्याचे चिन्ह निर्माण झाले आहेत.
हे वाचलं का?
