Maharashtra Vidhan Sabha : ठाकरेंचा मोठा प्लॅन! स्वतंत्र लढण्याची तयारी! Inside Story
Uddhav Thackeray Shiv Sena : लोकसभा निवडणुकीत महाराष्ट्रात सर्वाधिक लढवलेल्या जिंकलेल्या ठाकरेंनी आता विधानसभेसाठी विशेष तयारी सुरू केली आहे. विधानसभा संपर्कप्रमुखांना 10 प्रश्नांच्या आधारे माहिती मागितली असून, स्वबळावर लढण्याचीही चाचपणी सुरू केली आहे.
ADVERTISEMENT
बातम्या हायलाइट
उद्धव ठाकरेंकडून विधानसभा निवडणूक स्वबळावर लढण्याची तयारी?
सर्व विधानसभा मतदारसंघातील संपर्कप्रमुखांकडून मागवली माहिती
शिवसेनेकडून (उद्धव बाळासाहेब ठाकरे) स्वबळाची चाचपणी
Maharashtra Vidhan Sabha Election 2024 : लोकसभा निवडणूक आटोपताच महाराष्ट्रात विधानसभा निवडणुकीचे वारे वाहू लागले आहेत. ऑक्टोबरमध्ये विधानसभेची निवडणूक होऊ शकते. त्यानुषंगाने ठाकरेंनी प्रत्येक विधानसभा मतदारसंघातील परिस्थितीचा आणि शिवसेना स्वबळावर लढल्यास काय निकाल येतील, याची चाचपणीही सुरू केली आहे. ठाकरेंचा प्लॅन काय आणि कोणत्या मुद्द्यांवर ठाकरेंनी संपर्कप्रमुखांकडून अहवाल मागवला आहे, हेच सगळं जाणून घ्या. (Uddhav Thackeray is taking what will be the results if Shiv Sena fights independently in the Maharashtra assembly elections 2024)
लोकसभा निवडणूक पार पडली. देशात विरोधकांना अपेक्षित यश मिळू शकले नाही, पण महाराष्ट्रात महाविकास आघाडीला चांगले यश मिळाले आहे. यात काँग्रेसने सर्वाधिक जागा जिंकल्या आहेत. तर उद्धव ठाकरे यांच्या शिवसेनेने 9 जागा जिंकत भाजपची बरोबरी केली आहे.
शरद पवार यांच्या राष्ट्रवादी काँग्रेसची कामगिरी दोन्ही पक्षांच्या तुलनेत अधिक चांगली राहिली आहे. शरद पवारांच्या राष्ट्रवादी 10 जागा जिंकल्या आणि त्यापैकी 8 जागा जिंकल्या आहेत.
उद्धव ठाकरेंकडून स्वबळावर लढण्याची चाचपणी
लोकसभा निवडणुकीनंतर उद्धव ठाकरे यांनी विधानसभानिहाय उमेदवारांसाठी चाचपणी सुरू केली आहे. लोकसभेच्या निकालानंतर शिवसेनेने मविआतील मित्रपक्षांसोबत अथवा स्वतंत्र विधानसभा लढवली तर काय निकाल येऊ शकतो, याचा मागितला अहवालच ठाकरेंनी प्रत्येक विधानसभा मतदारसंघ संपर्कप्रमुखांकडून मागवला आहे.
हे वाचलं का?
