माजी गृहमंत्री अनिल देशमुखांच्या अटकेविरोधात काटोल विधानसभा क्षेत्रात 18 आंदोलनं

राज्याचे माजी गृहमंत्री अनिल देशमुख यांच्या ईडीने केलेल्या अटके विरोधात त्यांच्या नागपूर जिल्ह्यातील काटोल विधानसभा क्षेत्रात आज ठिकठिकाणी रस्तारोको आंदोलन करण्यात आलं.

एकीकडे परमबीर सिंग हे राज्य सरकारने स्थापन केलेल्या आयोगासमोर म्हणतात की माझ्याकडे पत्राशिवाय कोणतेही पुरावे नाही आणि दुसरीकडे मात्र सुप्रीम कोर्ट व हायकोर्ट मध्ये ईडी सांगते की अनिल देशमुख हे संशयित आहेत म्हणून त्यांची चौकशी करायची आहे. कोर्टाने दिलेल्या आदेशानंतर अनिल देशमुख हे ईडी समोर चौकशीसाठी जातात. चौकशी अपूर्ण असतानाही त्यांना मध्यरात्री अटक करण्यात येते. तक्रारकर्ता म्हणतो माझ्याकडे पुरावे नाही आणि केंद्रीय तपास यंत्रणा मात्र देशमुख कुटुंबाच्या मागे लागले आहे. या संस्थांवर केंद्रातील भाजप सरकारचा दबाव आहे हे यावरून स्पष्ट होते.