Bhushan Desai: 'एक चूक महागात पडू शकते', भाजप नेत्याचं एकनाथ शिंदेंना पत्र - Mumbai Tak
Mumbai Tak /बातम्या / Bhushan Desai: ‘एक चूक महागात पडू शकते’, भाजप नेत्याचं एकनाथ शिंदेंना पत्र
बातम्या मुंबई राजकीय आखाडा

Bhushan Desai: ‘एक चूक महागात पडू शकते’, भाजप नेत्याचं एकनाथ शिंदेंना पत्र

Bhushan desai news today : मुंबई: शिवसेनेचे (उद्धव बाळासाहेब ठाकरे) ज्येष्ठ नेते आणि माजी उद्योगमंत्री सुभाष देसाई यांचा मुलगा भूषण देसाई यांनी एकनाथ शिंदे यांच्या शिवसेनेत प्रवेश केला. भूषण देसाई यांचा शिवसेनेतील प्रवेश उद्धव ठाकरेंना झटका मानला जात आहे. दरम्यान, भूषण देसाईंच्या शिवसेनेतील प्रवेशाला भाजपने विरोध केला आहे. भाजपच्या गोरेगाव उपाध्यक्षांनी थेट शिवसेनेचे मुख्य नेते एकनाथ शिंदेंना सूचना वजा इशारा पत्रातून दिला आहे. (BJP Opposes to Bhushan Desai, write letter to Eknath Shinde)

सुभाष देसाई यांचे सुपुत्र भूषण देसाई यांनी एकनाथ शिंदे यांच्या शिवसेनेत प्रवेश केला. भूषण देसाई यांचा प्रवेश ठाकरे गटासाठी धक्का मानला जात असतानाच दुसरीकडे भाजपने मात्र त्यांच्या शिवसेनेतील प्रवेशाला विरोध केला आहे. गोरेगाव भाजपच्या नेत्याने मुख्यमंत्री तथा शिवसेनेचे मुख्य नेते एकनाथ शिंदे यांना पत्र लिहून विरोध दर्शवला आहे.

Bhushan Desai : ‘मुलाचं शिवसेनेत कोणतचं काम नाही…’, सुभाष देसाई प्रचंड दुखावले

भूषण देसाईंच्या शिवसेना प्रवेशाला भाजपचा विरोध, एकनाथ शिंदेंना पाठवलेल्या पत्रात काय?

भाजपचे गोरेगाव विधानसभा मतदारसंघाचे उपाध्यक्ष संदीप जाधव यांनी एकनाथ शिंदे यांना पत्र लिहिलं आहे. या पत्रात त्यांनी विरोध असण्यामागची भूमिका मांडली असून, चूक महागात पडू शकते, असा इशारा वजा सल्लाही दिला आहे.

संदीप जाधव यांनी पत्रात म्हटलं आहे की, “मी भाजपा गोरेगावचा विधानसभा उपाध्यक्ष आहे. एक छोटा कार्यकर्ता आहे. आपणास कोणती गोष्ट सूचवावी एवढी माझी राजकीय उंची नाही, पण नाईइलाजास्तव हे पत्र लिहित आहे. आत्ताच भूषण सुभाष देसाई यांच्या प्रवेशाची बातमी टीव्ही चॅनेलवर बघितली.”

पुढे संदीप जाधव म्हणाले, “आम्ही गोरेगावकर या भ्रष्ट व्यक्तिमत्त्वाला चांगलेच ओळखून आहोत. तसेच आम्ही प्रथम शिवसेनेत होतो, गेली चार वर्षे भाजपात आहोत. भूषण सुभाष देसाई हा फक्त आणि फक्त कोणत्या ना कोणत्या तरी आर्थिक व्यवहारातून वाचण्यासाठीच आपल्याकडे आलेले आहेत”, असा दावा जाधव यांनी एकनाथ शिंदेंना लिहिलेल्या पत्रात केला आहे.

Bhushan Desai: ‘या’ प्रकरणामुळे सुभाष देसाईंचे पुत्र शिंदे गटात?, पाहा काय दिलं उत्तर

“मित्रपक्षाची एक चूक महागात पडेल”, भाजप नेत्याचा इशारा

“आपल्या पक्षाची तसेच आपली प्रतिमा ही खूप चांगली आहे, पण अशा भ्रष्ट आणि मलीन चारित्र्याच्या व्यक्तिमत्त्वाला आपण राजकीय आश्रय दिल्यामुळे गोरेगावकरांमध्ये संतप्त भावना जागल्या आहेत. आज आपण युतीमध्ये आहोत, मित्र पक्षाची एक चूक सुद्धा दोन्ही पक्षास महाग पडू शकते. मी एक छोटा कार्यकर्ता आहे, पण आपण या सूचनेचा नक्कीच विचार कराल अशी अपेक्षा”, असं म्हणत संदीप जाधव यांनी भूषण सुभाष देसाई यांच्या शिवसेना प्रवेशाला विरोध केला आहे.

गावातील मुलींचा रॅम्पवॉक पाहून सर्वच अवाक्… ऐश्वर्या रायच्या ‘या’ बॅगच्या किंमतीत तुम्ही सगळी ‘दुबई’ फिरून याल! दररोज 500 प्रपोजल, तरीही सिंगल, मॉडेल म्हणते, ‘मुले जवळ यायला घाबरतात’ अजब प्रेम कहाणी.. पतीला पाहताच पत्नीचा मृत्यू, असं घडलं तरी काय? रूममध्ये बोलावून केली अशी मागणी की, Swara Bhaskar हादरलीच! Ashish Vidyarthi : 60 व्या वर्षी लग्न अन् बायकोला घरी ठेवून गेला हनिमूनला Lalbaugcha Raja 2023 पाद्यपूजन सोहळा, पाहिलेत का? ‘हे’ खास Photo WTC अंतिम सामन्यात ‘या’ खेळाडूने शतक झळकावलं तर, भारताचा विजय निश्चित! अभिनेता Prabhas तिरुपतीमध्ये घेणार सात फेरे पण… शरीराचे वजन मोजण्यापूर्वी योग्य वेळ आणि ‘या’ गोष्टी लक्षात घ्या! Dhirendra Shastri : बाबा बागेश्वर लग्न करणार? म्हणाला… मुंबई-दुबईत घर, लक्झरी कार कलेक्शन; ‘Aishwarya Rai’ची पतीपेक्षा चौपट संपत्ती! IPL चा ‘हा’ स्टार खेळाडू मंदिरात लुंगी नेसून खेळला क्रिकेट, Video Viral ‘गणपती बाप्पा मोरया!’, Sara-Vicky ने घेतलं बाप्पाचं दर्शन; पोहोचले सिद्धीविनायक मंदिरात! ऋतुराज गायकवाडनंतर ‘हा’ IPL स्टार लग्नबंधनात अडकणार कॉन्सर्टमध्येच थांबवला…प्रसिद्ध गायिकेसोबत काय घडलं? प्रसिद्ध अभिनेत्यांची गर्लफ्रेंड लग्नाशिवाय दुसऱ्यांदा होणार आई ! वादळांना नावं कशी दिली जातात? समजून घ्या… अभिनेत्री Prajakta Mali चा बोल्ड लुक! ट्रोलर्स म्हणाले, ‘नको ग बाई..’ sonalee Kulkarni : अप्सरेचं पतीसोबत रोमँटिक फोटोशूट!