पूजा चव्हाण प्रकरणी मुख्यमंत्री उद्धव ठाकरेंची पहिली प्रतिक्रिया

पूजा चव्हाण आत्महत्या प्रकरणावर मुख्यमंत्री उद्धव ठाकरे यांची पहिली प्रतिक्रिया समोर आली आहे. पूजा चव्हाण आत्महत्या प्रकणी मुख्यमंत्री उद्धव ठाकरेंना विचारण्यात आलं त्यावेळी उद्धव ठाकरे म्हणाले की, “पूजा चव्हाण आत्महत्या प्रकरणाची व्यवस्थित आणि सखोल चौकशी होईल.त्यानंतर गरज असेल त्यांच्यावर योग्य ती कारवाई केली जाईल. सत्य जनतेसमोर आणलं जाईल यात काहीही शंका नाही. गेले काही दिवस, काही महिने असंही लक्षात आलं आहे की आयुष्यातून उठवण्याचाही प्रयत्न केला जातो आहे. असा प्रयत्न होऊ नये आणि सत्यही समोर आलं पाहिजे यासाठी योग्य जे काही असेल ते केलं जाईल.” असं मुख्यमंत्री उद्धव ठाकरे यांनी म्हटलं आहे.