मित्रांनी रंग लावू नये म्हणून इमारतीच्या गच्चीत लपायला गेलेल्या तरुणाचा गच्चीतून पडून मृत्यू

अंबरनाथच्या शिवाजीनगर भागातील मधल्या आळीत सूरज मोरे हा 26 वर्षीय तरुण वास्तव्याला होता. धुळवडीच्या दिवशी सूरज हा त्याचा भाऊ तुषार मोरे याच्यासह दुपारी 1 वाजताच्या सुमारास अविनाश पाटील या मित्राला भेटण्यासाठी त्याच्या इमारतीजवळ गेला होता. यावेळी त्यांचे काही मित्र त्यांना दिसले. हे मित्र त्यांना रंग लावतील म्हणून सूरज आणि तुषार इमारतीमध्ये पळाले. तुषार महिल्या मजल्यावर लपला तर सूरज थेट गच्चीत जाऊन लपला.

पण याचवेळी इमारतीच्या गच्चीवरील डक्टमधून सूरज थेट खाली पडला आणि त्याच्या पायाला दुखापत झाली. त्याचा अपघात झाल्याचे कळताच त्याच्या भावाने आणि मित्रांनी त्याला तातडीने अंबरनाथ येथील एका खासगी रुग्णालयात दाखल केले. त्यानंतर तिथून त्याला उल्हासनगरच्या मध्यवर्ती रुग्णालयात नेण्यात आले.

मात्र, दुपारी साडेतीन वाजेच्या सुमारास डॉक्टरांनी त्याला मृत घोषित केले. या प्रकरणी शिवाजीनगर पोलिसांनी अकस्मात मृत्यूची नोंद केली आहे. पुढील तपास सहाय्यक पोलीस निरीक्षक सुप्रिया देशमुख करत आहेत.

नाचून घरी गेला आणि थोडयाच वेळात झाला मृत्यू

धुलीवंदनाचा सण उत्साहात साजरा होत असताना बदलापूर मात्र एका 28 वर्षीय तरुणाचा दुर्दैवी मृत्यू झाल्याची घटना समोर आली आहे. आहे. आशुतोष संसारे हा तरुण धूळवड साजरी करताना बेभानपणे नाचला आणि त्यानंतर तो घरी गेला. पण धक्कादायक बाब म्हणजे अगदी थोड्याच वेळात त्याचा मृत्यू झाला.

बदलापूरच्या हेंद्रपाडा परिसरात शुभदन ही सोसायटी असून इथे होळी निमित्त संगीताचा तालावर सगळेच नाचत होते. आशुतोष देखील बेभानपणे नाचत होता. दरम्यान, नाचून झाल्यावर तो घरी गेला आणि त्याच्या अचानक त्याच्या छातीत दुखू लागले. त्यामुळे त्याच्या पत्नीने शेजाऱ्यांना याची माहिती दिली. शेजाऱ्यांनी देखील त्याला तात्काळ खाजगी रुग्णालयात दाखल केले. पण उपचारादरम्यानच त्याचा दुर्दैवी मृत्यू झाला.

नाचता-नाचता अचानक तरुणाने स्वत:च्याच छातीत भोसकला चाकू, होळीदरम्यान धक्कादायक घटना

अवघ्या एका वर्षापूर्वीच आशुतोषचे लग्न झाले होते. त्यामुळे त्याच्या मृत्यूच्या वृत्ताने त्याच्या संपूर्ण कुटुंबीयांना फार मोठा धक्का बसला आहे. दरम्यान, आशुतोषच्या मृत्यूचे कारण समजू शकले नसून शवविच्छेदन अहवाल आल्यानंतर मृत्यूचे कारण स्पष्ट होईल असे बदलापूर पोलिसांनी स्पष्ट केले आहे.