Lata mangeshakar Award: “अप्रतिष्ठीत माणसाला आमंत्रण देऊन कार्यक्रमाची उंची खाली आणायची नव्हती”
Lata dinanath mangeshkar award : लता दीनानाथ मंगेशकर पुरस्कार सोहळ्याची कार्यक्रम पत्रिका वादाचा विषय ठरली आहे. पुरस्कार सोहळ्याच्या कार्यक्रम पत्रिकेवर मुख्यमंत्री उद्धव ठाकरे यांचं नाव नसल्यानं महाविकास आघाडीतील काही नेत्यांनी टीका केली. दुसरीकडे भाजपच्या नेत्यांनीही यावरून महाविकास आघाडीला सुनावलं आहे. त्यामुळे सध्या या वादावरून विरोधक सत्ताधाऱ्यांमध्ये जोरदार कलगीतुरा रंगला आहे. लता दीनानाथ मंगेशकर पुरस्कार सोहळ्याला […]
ADVERTISEMENT
Lata dinanath mangeshkar award : लता दीनानाथ मंगेशकर पुरस्कार सोहळ्याची कार्यक्रम पत्रिका वादाचा विषय ठरली आहे. पुरस्कार सोहळ्याच्या कार्यक्रम पत्रिकेवर मुख्यमंत्री उद्धव ठाकरे यांचं नाव नसल्यानं महाविकास आघाडीतील काही नेत्यांनी टीका केली. दुसरीकडे भाजपच्या नेत्यांनीही यावरून महाविकास आघाडीला सुनावलं आहे. त्यामुळे सध्या या वादावरून विरोधक सत्ताधाऱ्यांमध्ये जोरदार कलगीतुरा रंगला आहे.
लता दीनानाथ मंगेशकर पुरस्कार सोहळ्याला मुख्यमंत्री उद्धव ठाकरे यांच्या अनुपस्थितीच्या चर्चेनंतर कार्यक्रमाच्या पत्रिकेची चर्चा सुरू झाली आहे. मास्टर दीनानाथ स्मृती प्रतिष्ठानच्या वतीने देण्यात आयोजित करण्यात आलेल्या या पुरस्कार सोहळ्याच्या कार्यक्रम पत्रिकेवर फक्त दोनच व्यक्तींची नावं होती.
एक होतं पंतप्रधान नरेंद्र मोदी आणि दुसरं नाव उषा मंगेशकर यांचं. या मुद्द्यावरून मंगेशकर कुटुंबियांवर आता टीका होताना दिसत आहे. राष्ट्रवादी काँग्रेसचे नेते आणि गृहनिर्माण मंत्री जितेंद्र आव्हाड यांनी ट्विट करत टीका केली.
“लता मंगेशकर पुरस्कार सोहळ्याच्या निमंत्रण पत्रिकेवर मुख्यमंत्र्यांचं नाव टाकण्याचं मंगेशकर कुटुंबियांनी टाळले. त्यांची ही भूमिका अगम्य आहे. या राज्यात राहून अमाप लोकप्रियता मिळवणाऱ्या मंगेशकर कुटुंबियांची ही कृती १२ कोटी मराठी माणसांचा अपमान करणारी आहे,” असं आव्हाड म्हणाले.
हे वाचलं का?
