महिन्याच्या पहिल्याच दिवशी झटका, LPG सिलेंडरच्या दरात मोठी वाढ

दर महिन्याच्या सुरुवातीला आणि 15 दिवसानंतर एलपीजी सिलेंडर गॅसच्या दरांची समीक्षा केली जाते. त्यानंतर किंमतीबाबत निर्णय घेतला जातो. याआधी 4 फेब्रुवारीला 25 रुपये, त्यानंतर 14 फेब्रुवारीला 50 रुपये आणि नंतर पुन्हा एकदा 25 फेब्रुवारीला 25 रुपयांनी सिलेंडरचे दर वाढवले होते. डिसेंबरपासून आतापर्यंत विनाअनुदानित सिलेंडर तब्बल 225 रुपयांनी महागला आहे.

या दरवाढीमुळे आता 14.2 किलोग्रॅमचा विनाअनुदानित गॅस सिलेंडरची मुंबईतील किंमत 819 रुपये इतकी झाली आहे. 4 फेब्रुवारीला याच सिलेंडरची किंमत 719 रुपये एवढी होती.

पाहा कोणत्या राज्यात विनाअनुदानित सिलेंडरचे किती आहेत दर

1. राजधानी दिल्लीत विनाअनुदानित सिलेंडर 25 रुपयाने महागल्याने त्यासाठी 819 रुपये मोजावे लागणार आहेत

सिलेंडरच्या किंमती सातत्याने वाढत असल्याने सामान्य माणासांचं बजेट कोलमडलं आहे. याबाबत सध्या आंदोलनं देखील सुरु आहेत. मात्र, हे दर कमी होण्याऐवजी सातत्याने वाढतच आहेत. दुसरीकडे सिलेंडरच्या दरवाढीसोबत पेट्रोल आणि डिझेलचे दर देखील वाढत असल्याचे मागील काही दिवसांपासून पाहायला मिळत आहे. दरम्यान, या दरवाढीमुळे केंद्र सरकारवर बरीच टीका केली जात आहे. सध्या अनेक राज्यात पेट्रोल हे शंभरीच्या आसपास पोहचलं आहे. त्यामुळे सरकारवर टीकेची झोड उठवली जात आहे.