अशरफ घनीं देश सोडून पळाले; अफगाणिस्तानात तालिबानची राजवट; राष्ट्रपती भवनाचा घेतला ताबा

काबूलच्या सीमेवर येऊन धडकल्यानंतर तालिबानने शांततेनं सत्ता हस्तांतरित करण्याचा प्रस्ताव अशरफ घनी यांच्या सरकारसमोर ठेवला होता. त्यानंतर दोन्ही बाजूंकडील शिष्टमंडळाची राष्ट्रपती भवनात चर्चा सुरू असतानाच राष्ट्राध्यक्ष अशरफ घनी यांनी देश सोडल्याची माहिती समोर आली. अशरफ घनी हे ताजिकिस्तानच्या दिशेने रवाना झाल्याची माहिती प्रभारी गृहमंत्र्यांनी दिली. टोलो न्यूजने याबद्दलचं वृत्त दिलं आहे.

दरम्यान, राष्ट्रीय सलोखा परिषदेचे अध्यक्ष अब्दुल्ला अब्दुल्ला यांनी सध्या सुरू असलेल्या घडामोडींबद्दल माहिती दिली. नागरिकांच्या सुरक्षिततेबद्दल काळजी घ्यावी, अशी सूचना त्यांनी लष्कराला केलं आहे. त्याचबरोबर काबूल शहरात प्रवेश करण्यापूर्वी चर्चेसाठी वेळ द्यावा, असं आवाहन त्यांनी तालिबानला केलं आहे. ही माहिती देत असताना अब्दुल्ला अब्दुल्ला यांनी राष्ट्राध्यक्ष अशरफ घनी यांचा माजी राष्ट्राध्यक्ष असा उल्लेख करत ते देश सोडून गेले असल्याचं सांगितलं. त्यामुळे अशरफ घनी सत्तेतून पायउतार झालं असल्याचं निश्चित झालं आहे.

Abdullah Abdullah (in file photo), head of the HCNR, asks Afghan forces to cooperate in ensuring security. He asks Taliban to allow some time for talks before entering the city of Kabul. He calls Ashraf Ghani 'former president' & says Ghani has left the country: TOLOnews pic.twitter.com/lR61vTx1li

— ANI (@ANI) August 15, 2021

अफगाणिस्तानची सत्ता हस्तगत करण्याचा तालिबानचा प्रयत्न जवळपास यशस्वी ठरताना दिसत आहे. कंदाहार, शरीफ-ए-मजार सह अनेक प्रांत आणि शहरं ताब्यात घेणाऱ्या तालिबाननं रविवारी अफगाणिस्तानच्या सत्तेचं केंद्र असलेल्या काबूलच्या सीमेवर धडक दिली. काबूलला वेढा दिल्यानंतर अफगाणिस्तानात राजकीय अस्थिरता निर्माण झाली. तालिबानला काबूलवर नियंत्रण मिळवण्यात यश आलं, तर अफगाणिस्तानात सत्तांतर अटळ असल्याचं बोललं जात होतं. रविवारी याचं दिशेनं सर्व घडामोडी घडल्या.