धक्कादायक… साताऱ्यात 12 वर्षीय मुलीवर अतिप्रसंगाचा प्रयत्न; आरडाओरड करताच नराधमाने मुलीला ट्रेनमधून फेकलं

सकाळी जखमी अवस्थेत सापडलेल्या या मुलीला लोणंद येथील ग्रामस्थांनी उपचारासाठी लोणंदच्या ग्रामीण रुग्णालयात दाखल केल्यानंतर हा सगळा प्रकार समोर आला आहे. लोणंद पोलीस आणि लोहमार्ग पोलिसांनी या मुलीचा पुढील उपचारासाठी जिल्हा रुग्णालयात दाखल करण्यात आले.

जखमी अवस्थेत सापडलेल्या या मुलीचा लोहमार्ग पोलिसांनी जबाब घेतला असून या मुलीने आपल्या जबाबात ही घडलेली घटना सांगितली आहे. रेल्वेमध्ये अशा प्रकारे घटना घडल्यामुळे लोहमार्ग पोलिसांनी वेगाने तपास करत हे दुष्कृत्य करणाऱ्या आरोपीला भुसावळमधून अटक केली आहे.

ठाणेजवळ लोकल ट्रेनमध्ये मोबाइल चोरासोबत झटापट, महिलेचा ट्रेनखाली येऊन दुर्देवी मृत्यू

पोलिसांनी दिलेल्या माहितीनुसार, गोवा निझामुद्दीन एक्सप्रेस साताऱ्यात साधरणत: दीड वाजता येते. या गाडीत काल रात्री एक कुटुंब प्रवास करत होतं. आपल्या तीन मुलींसह दाम्पत्य दिल्लीला जात होते. रात्री जेवण झाल्यावर ते सर्व जण झोपी गेलेल असताना आरोपीने 12 वर्षीय मुलीला बाथरूममध्ये नेलं आणि तिच्यावर अतिप्रसंग करण्याचा प्रयत्न केला. त्यावेळी मुलीला जाग आली आणि तिने आरडाओरड सुरू केला.

यावेळी आरोपीने तिला सांगितलं की, ‘ओरडू नको तुला आई-वडिलांकडे नेतो.’ असं म्हणत बाथरूममधून बाहेर आणलं आणि ट्रेनमधून बाहेर फेकलं. घाटरस्ता असल्याने ट्रेनचा स्पीड कमी होता. यामुळे पीडित मुलीला किरकोळ दुखापत झाली. सकाळच्या सुमारास स्थानिकांनी या मुलीला पाहिलं आणि तिला उपचारासाठी दाखल करण्यात आलं. रुग्णालयात या पीडित मुलीने संपूर्ण घटनाक्रम सांगितला. त्यानंतर आम्ही तात्काळ तपास सुरू केला.

पुण्यात अल्पवयीन तरुणीवर सामूहिक बलात्कार, गोळी झाडून ठार करण्याचाही प्रयत्न

राज्य लोहमार्ग पोलिसांनी संपूर्ण ट्रेनमधील प्रत्येक डब्यात पोलीस टीम पाठवल्या यानंतर पीडित मुलीने दिलेल्या वर्णनानुसार चार जणांपैकी एक आरोपी असल्याचं लक्षात आलं. व्हॉट्सअॅपवरुन हा फोटो रुग्णालयातील पोलिसांना पाठवला त्यानंतर या पीडित मुलीने त्याला ओळखलं आणि 10 तासांत आरोपीला अटक केली.

पीडित मुलीच्या चेहऱ्यावर मार लागला असून पायाला फ्रॅक्चर झाले आहे आणि हाताला सुद्धा लागले आहे. दरम्यान, या आरोपीची सध्या कसून चौकशी सुरु करण्यात आली आहे.