भांडुप आग प्रकरणी चौकशी करणार, दुर्लक्ष करणाऱ्यांवर होणार कठोर कारवाई -मुख्यमंत्री

भांडुप येथील ड्रीम मॉलमध्ये लागलेल्या आगीमुळे सनराईज रुग्णालयातील रुग्णांच्या झालेल्या मृत्यूंची मुख्यमंत्री उद्धव बाळासाहेब ठाकरे यांनी गंभीर दखल घेत प्रत्यक्ष घटनास्थळी जाऊन त्यांनी पाहणीही केली. मृतांच्या वारसांना प्रत्येकी ५ लाखांची मदत जाहीर करण्यात आली आहे. pic.twitter.com/JhpvjTmlqe

— CMO Maharashtra (@CMOMaharashtra) March 26, 2021

भांडुप येथील ड्रीम मॉलमध्ये लागलेल्या आगीमुळे सनराईज रूग्णालयातील रूग्णांच्या मृत्यूंची मुख्यमंत्री उद्धव ठाकरे यांनी गंभीर दखल घेतली आहे. मृतांच्या वारसांना प्रत्येकी पाच लाखांची मदत जाहीर करण्यात आली आहे. या घटनेत ज्या दहा जणांचा बळी गेला त्या प्रकरणी मुख्यमंत्री उद्धव ठाकरेंनी मृतांच्या कुटुंबीयांची माफीही मागितली आहे. मुख्यमंत्री उद्धव ठाकरे यांनी भांडूपमध्ये येऊन घटनास्थळी पाहणी केली. त्यानंतर त्यांनी मीडियाशी संवाद साधला.

काय घडली घटना?

मुंबईतील भांडुप येथे ड्रीम मॉलमध्ये रात्री 11.30 च्या सुमारास आग लागली. अचानक लागलेल्या या आगीमुळे आतापर्यंत 10 जणांचा मृत्यू झाला असल्याची प्राथमिक माहिती सध्या मिळते आहे. याच मॉलच्या तिसऱ्या मजल्यावर सनराईज नावाचं एक हॉस्पिटल आहे. जिथे 70 हून अधिक रुग्ण दाखल होते. यामधील सर्वाधिक रुग्ण हे कोरोना व्हायरसवर उपचार घेणारे होते. मिळालेल्या माहितीनुसार ज्या 10 जणांचा या आगीत होरपळून मृत्यू झाला आहे ते सर्व रुग्ण होते.

सनराईज रूग्णालयाला कोरोना हॉस्पिटल म्हणून ३१ मार्चपर्यंत संमती देण्यात आली होती. या मॉलमध्ये असलेल्या दुकानांना आग लागली आणि ती आग रूग्णालयातपर्यंत पोहचली आणि ही दुर्घटना घडली.