फडणवीस-अमित शाह भेट; राज्यपालांच्या भूमिकेकडे लक्ष, केसरकरांचं मोठं वक्तव्य!

दुसरीकडे एकनाथ शिंदे (Eknath Shinde) गटाचे प्रवक्ते दीपक केसरकर यांनी राज्यपालांकडे मागणी केली. अविश्वास प्रस्तावासाठी स्वत: राज्यपालांनी पाऊल उचलावं असे केसरकर म्हणाले आहेत. गुवाहटीच्या रेडीसन ब्लू हॉटेलमध्ये मुक्कामी असलेल्या आमदारांना फडणवीस आणि आसामच्या पोलिसांनी सरंक्षण दिले असे केसरकर यांनी कबुल केले आहे. आम्ही महाराष्ट्रात यायला तयार आहोत परंतु आम्हाला रोखलंय कोणी संजय राऊत यांनी, लोकं रस्त्यावर उतरले आहेत, असेही केसरकर म्हणाले आहेत.

दुसरीकडे येत्या दोन-तीन दिवसांत भाजपाचे सरकार स्थापन होईल. तसेच आषाढी एकादशीची महापूजा देवेंद्र फडणवीस यांच्या हस्ते पार पडेल असा मोठा गोप्यस्फोट खासदार चिखलीकरांनी केला आहे. ज्यावेळी भाजपचे सरकार स्थापन होईल तेव्हा शिवसेनेचे १० ते १२ खासदार आमच्यासोबत येतील असेही चिखलीकर म्हणाले आहेत.

शिंदे-भाजप सत्तेचा फॉर्म्युला; उपमुख्यमंत्री पदासह १३ मंत्रीपदं, ‘या’ आमदारांना मिळणार संधी