महिला दिन विशेष: एसटी संपामुळे घरावर आर्थिक ताण, वाहन चालवून घरचा डोलारा सांभाळतेय रुपाली

८ मार्च हा आपल्या जागतिक महिला दिवस म्हणून साजरा केला जातो. आजच्या दिवशी आपल्या घरापासून ते आपल्या समाजातील महिलांचा सन्मान करण्याचा प्रघात आहे. एखादं घर सांभाळण्यासाठी महिलांची जबाबदारी ही मोठी मानली जाते. घरातली मुलगी किंवा स्त्री भक्कम असली की ते घरी कधीच खचत नाही असं म्हणतात. बुलढाणा येखील बेलगाव येथीर रुपाली शामरावने याचंचं उदाहरण जगासमोर घालून दिलंय.

रुपालीचे वडील एस.टी. संपात सहभागी झाल्यामुळे घरच्या आर्थिक उत्पन्नाचा स्त्रोत गेले काही महिने बंद झालाय. फी चे पैसे नसल्यामुळे रुपाली बारावीची परीक्षाही देऊ शकली नाही. परंतू हार न मानता रुपालीने गाडी चालवण्याची जबाबदारी घेत आपल्या घरचा आर्थिक डोलारा सांभाळण्यात मोलाची भूमिका बजावली आहे.