Apple store in india: आयफोन प्रेमींसाठी गुड न्यूज! मुंबईसह दोन शहरांत स्टोअर्स

रिपोर्टनुसार, कंपनीने मुंबई आणि दिल्ली या दोन्ही ठिकाणी अ‍ॅपल स्टोअरसाठी फिटआउट तयार केले आहे. दिल्ली अ‍ॅपल स्टोअरचे फिटआउट मुंबईच्या आधी पूर्ण झाले आहे, परंतु पहिले स्टोअर मुंबईतच सुरू होईल, असा दावाही केला जात आहे. मुंबई अ‍ॅपल स्टोअर हे अ‍ॅपलचे भारतातील फ्लॅगशिप स्टोअर असेल.

Apple ने अद्याप भारतात नवीन स्टोअर उघडण्याबाबत अधिकृत माहिती दिलेली नाही. त्यामुळे एप्रिलमध्ये हे स्टोअर कोणत्या दिवशी सुरू होईल याची कोणतीही माहिती नाही. Apple इनसाइडरच्या रिपोर्टनुसार, मुंबईतील अ‍ॅपल स्टोअर 22,000 स्क्वेअर फुटांमध्ये पसरलेले असेल. मुंबईचे Apple Store Jio World Drive Mall मध्ये असेल असे सांगितले जात आहे.

पुण्याच्या आशिषनं Apple चं पोर्टल हॅक केलं; म्हणून कंपनीनं दिलं त्याला इतक्या लाखांचं बक्षीस

दिल्लीतील अ‍ॅपल स्टोअर सिलेक्ट सिटी वॉक मॉल साकेतमध्ये उघडेल, परंतु ते मुंबईतील अ‍ॅपल स्टोअरपेक्षा कमी क्षेत्रात असेल. दिल्लीतील अ‍ॅपल स्टोअर 10000 स्क्वेअर फूटमध्ये असेल. भारतातील पहिले अ‍ॅपल स्टोअर उघडण्यासाठी टीम कुक भारतात येतात की नाही हे पाहणे मनोरंजक ठरेल. हे शक्य आहे की लॉन्च दरम्यान, टिम कुक ऑनलाइन व्हिडिओ कॉलद्वारे सामील होऊ शकतात.

अ‍ॅपल स्टोअरमध्ये सामान्यतः इतर किरकोळ स्टोअरच्या तुलनेत कमी उत्पादने असतात, परंतु बहुतेक उच्च श्रेणीची उत्पादने येथे सापडतील जी इतरत्र आढळणार नाहीत. Apple Store मध्ये वापरकर्त्याच्या अनुभवावर विशेष लक्ष केंद्रित केले आहे. प्रत्येक ग्राहकाला त्रासमुक्त अनुभव मिळावा यासाठी कंपनी खास अशा लोकांना नियुक्त करते जे ग्राहकांना उत्पादनाबद्दल अधिक चांगल्या प्रकारे माहिती देऊ शकतात.

Apple चीनमधून गाशा गुंडाळण्याच्या तयारीत ; भारतात सुरु होऊ शकतो ‘या’ डिव्हाईसचे उत्पादन