गोपीचंद पडळकर की रोहित पवार; MPSC परीक्षार्थ्यांना कोणामुळे दिलासा?

दरम्यान, परीक्षार्थ्यांना मिळालेल्या दिलासानंतर आता श्रेयवादाची लढाई सुरु झाली आहे. भाजप आमदार गोपीचंद पडळकर आणि राष्ट्रवादीचे आमदार रोहित पवार यांनी आपल्या मागणीनंतर विद्यार्थ्यांना न्याय मिळाल्याचा दावा केला आहे. या दोन्ही आमदारांनी आंदोनस्थळी भेटही दिली होती.

आज आंदोलनस्थळी भाजप आमदार अभिमन्यू पवार आणि गोपीचंद पडळकर उपस्थित होते. यावेळी परीक्षर्थ्यांनी दोन्ही आमदारांनी डोक्यावर घेऊन पुण्यात मिरवणूक काढली. गोपीचंद पडळकर बोलताना म्हणाले, आम्ही घरात बसणारे लोकप्रतिनिधी नाही. विरोधात असलो किंवा सरकारमध्ये असलो, तरी लोकांचे प्रश्न सरकारपर्यंत पोहचविण्यासाठी आमची पोस्टमनची भूमिका असते. आम्ही ती भूमिका पार पाडली. विद्यार्थ्यांचं म्हणणं सरकारपुढे मांडलं.

दुसऱ्या बाजूला आमदार रोहित पवार यांनीही ट्विट करुन त्यांच्या प्रयत्नांबद्दल माहिती दिली. निर्णय झाल्यानंतर रोहित पवार यांनी ट्विट म्हणाले, नव्या परीक्षा पद्धतीला परीक्षार्थींचा विरोध नव्हताच, त्यांना केवळ वेळ हवा आहे. हाच विषय मांडल्यानंतर सहकार्याची भूमिका घेत नवी परीक्षा पद्धत २०२५ पासून लागू करण्याचा निर्णय घेतल्याबद्दल मुख्यमंत्री आणि उपमुख्यमंत्री महोदयांचे आभार आणि परीक्षार्थींना खूप खूप शुभेच्छा!

राज्य शासन याविषयी सकारात्मक असलं तरी निर्णय घेण्यास उशीर होत असल्याने आज पुण्यात परीक्षार्थींचं आंदोलन सुरू झालं. त्यांचा अभ्यासाचा वेळ आंदोलनात वाया जात असल्याने मुख्यमंत्री व उपमुख्यमंत्री महोदय आपण हा निर्णय तातडीने घ्यावा, ही विनंती.@mieknathshinde@Dev_Fadnavis

— Rohit Pawar (@RRPSpeaks) January 31, 2023

तसंच यावेळी पवार यांनी पडळकर यांच्यावर टीका करत उगाच कोणी श्रेय घेऊ नये म्हणतं टोला हाणला. ते म्हणाले, युवा जेव्हा आंदोलन करतो तेव्हा त्यामागं कारण असतं, राजकारण नसतं. याचा विचार करून निर्णय आधीच घेतला पाहिजे होता. पण काहीजण राजकारण करण्याचा प्रयत्न करत आहेत. मात्र उगाचच कोणी राजकीय श्रेय घेऊ नये. यामागे मुलांचेही कष्ट आहेत.

#MPSC साठी वर्णनात्मक परीक्षा पद्धत २०२५ नंतर लागू करण्याच्या मागणीसाठी परीक्षार्थी आंदोलन करत आहेत. याबाबत मी कालही आणि आज पुन्हा उपमुख्यमंत्री @Dev_Fadnavis साहेब यांची भेट घेऊन याबाबत सकारात्मक निर्णय घेण्याची विनंती केली. उपमुख्यमंत्री महोदय लवकर निर्णय घेतील,अशी अपेक्षा आहे. pic.twitter.com/Icp8lEaj3J

— Rohit Pawar (@RRPSpeaks) January 31, 2023

त्यामुळे आता या निर्णयाचं आता नेमकं श्रेय कोणाचं हा सवाल विचारला जात आहे. दरम्यान, याबाबत बोलताना परीक्षार्थी म्हणाले, निर्णय कोणाकडूनही येवो आमच्यासाठी चांगलचं आहे. विद्यमान सरकार भाजपच आहे, त्यांच्याकडून आलं तर चांगलचं आहे. तर थोडफार राजकारण होणारचं, निर्णय होणं महत्वाचं आहे, असाही विद्यार्थ्यांचा सूर पाहयला मिळाला.