गुजरातमध्ये भीषण दुर्घटना : १४० वर्ष जुना पूल कोसळला; ४०० जण नदीत पडल्याची माहिती

Cable bridge collapses in Gujarat's Morbi, several feared injured

Read @ANI Story | https://t.co/mWXYVdqr4T#CableBridgeCollapsed #Gujarat #GujaratMorbiCollapse #MacchuRiver pic.twitter.com/BMXX3ISNU0

— ANI Digital (@ani_digital) October 30, 2022

दुर्घटनेनंतर लोकांना नदीपात्राबाहेर काढण्यासाठी रेस्क्यू ऑपरेशन सुरु करण्यात आले आहे. पोलीस आणि जिल्हा प्रशासनासोबतच स्थानिक नागरिक देखील बचावकार्यात उतरले आहेत. दुर्घटनेनंतरचा एक व्हिडीओ सध्या समोर आला आहे. यात लोक बाहेर येण्यासाठी प्रयत्न करत असल्याचं दिसून येत आहेत.

#WATCH | Several people feared to be injured after a cable bridge collapsed in the Machchhu river in Gujarat's Morbi area today

PM Modi has sought urgent mobilisation of teams for rescue ops, while Gujarat CM Patel has given instructions to arrange immediate treatment of injured pic.twitter.com/VO8cvJk9TI

— ANI (@ANI) October 30, 2022

दरम्यान, दुर्घटनेनंतर पंतप्रधान नरेंद्र मोदी यांनी गुजरातचे मुख्यमंत्री भूपेंद्र पटेल यांच्याशी फोनवरुन चर्चा केली. त्यांनी बचाव कार्यासाठी तात्काळ पथके तयार करण्याचे निर्देश दिले आहेत. तसंच मुख्यमंत्र्यांना स्वतः परिस्थितीवर बारकाईने आणि सतत लक्ष ठेवण्यास, बाधित लोकांना शक्य ती सर्व मदत करण्याच्या सूचना दिल्या आहेत. मुख्यमंत्री पटेल यांनी जखमींवर तातडीने उपचार करण्याच्या सूचना दिल्या आहेत.

PM Narendra Modi spoke to Gujarat CM Bhupendra Patel & other officials regarding the mishap in Morbi. He has sought urgent mobilisation of teams for rescue ops. He has asked that the situation be closely & continuously monitored & extend all possible help to those affected: PMO pic.twitter.com/yWxDRPT211

— ANI (@ANI) October 30, 2022

मोरबीचा पूल 140 वर्षांहून जुना असून त्याची लांबी सुमारे 765 फूट आहे. 20 फेब्रुवारी 1879 रोजी मुंबईचे गव्हर्नर रिचर्ड टेंपल यांच्या हस्ते या पुलाचे बांधकाम सुरु करण्यात आले. 1880 मध्ये सुमारे 3.5 लाख खर्चून हा पूल पूर्ण झाला होता. त्यावेळी हा पूल बनवण्याचे सर्व साहित्य इंग्लंडमधूनच आयात करण्यात आले होते.

अनेक वर्षांचा हा पूल असल्याने मागील ६ महिन्यांपासून तो नुतनीकरणासाठी सामान्य लोकांना बंद ठेवण्यात आला होता. मात्र याच महिन्यातील 25 ऑक्टोबर रोजी हा पूल सर्वसामान्यांसाठी खुला करण्यात आला होता. आज रविवार असल्यामुळे पूलावर प्रचंड गर्दी होती. सेल्फी काढण्यासाठी अनेक जण आपल्या कुटुंबासमवेत पूलावर आले असल्याची माहिती आहे.