Budget 2023: PM मोदींनी दिलं मोठं गिफ्ट, 7 लाखापर्यंतचं उत्पन्न Tax Free

अर्थमंत्री निर्मला सीतारामन यांनी अर्थसंकल्पात नवीन आयकर स्लॅब सादर केला. प्रत्यक्षात आयकरात सवलत देण्याची मागणी सातत्याने होत होती. पुढील वर्षी होणाऱ्या सार्वत्रिक निवडणुकीपूर्वी या सरकारचा हा शेवटचा पूर्ण अर्थसंकल्प आहे. याच पार्श्वभूमीवर मोदी सरकारने हा मास्टरस्ट्रोक खेळला आहे.

7 लाखांचं उत्पन्न, नेमकी कशी सूट मिळणार?

नवीन कर प्रणाली आणि जुनी कर प्रणाली यामध्ये पूर्वीचा जो काही फरक होता त्यात एकच बदल केला आहे. की, टॅक्स रिबिटबाबत नव्या कर प्रणालीत दिलासा दिला आहे असं म्हणता येईल. स्टँडर्ड डिडक्शन आणि टॅक्स रिबेट हा नव्याने आणला आहे.

यामधील महत्त्वाचा मुद्दा असा की, 7 लाख रुपयांची जी मर्यादा आहे ती खरं तर सवलत नाही. 7 लाखाच्या वर उत्पन्न गेलं तर थेट तुम्हाला 3 लाखांपासूनच टॅक्स सुरू होणार. हा महत्त्वाचा मुद्दा आहे.