मुंबई मेट्रो फेऱ्यांमध्ये वाढ करणार, वाढत्या गर्दीमुळे प्रशासनाचा निर्णय

मुंबईत गेल्या काही दिवसांपासून कोरोनाग्रस्त रुग्णांच्या संख्येत होणारी वाढ महापालिका प्रशासनासाठी चिंतेची बाब बनली आहे. एकीकडे महापालिका प्रशासन शहरात निर्बंध कडक करण्याचा विचार करत असताना मुंबईतील मेट्रो प्रशासनाने फेऱ्यांमध्ये वाढ करण्याचा निर्णय घेतला आहे. २२ मार्चपासून मुंबई मेट्रो प्रशासन घाटकोपर ते वर्सोवा मार्गावर २८० फेऱ्या चालवल्या जाणार आहेत. याआधी घाटकोपर-वर्सोवा मार्गावर २५६ फेऱ्या चालवल्या जात होत्या. यामुळे मेट्रोच्या मार्गावर होणारी गर्दी कमी होण्यास मदत होईल असं मत मुंबई मेट्रोच्या प्रशासनाने व्यक्त केलंय.