देवेंद्र फडणवीस आघाडी सरकारविरोधात आणखी एक बॉम्ब फोडणार

मलिक यांचा राजीनामा घेणार नसल्याचं सरकारनं म्हटल्यानंतर विरोधी पक्षनेते देवेंद्र फडणवीस यांनी सरकारवर घणाघाती हल्ला केला. दाऊदशी व्यवहार करणाऱ्यांना वाचवण्यासाठी अख्खं सरकार उभं राहिलं असा संदेश देशात जाईल, असं म्हणत फडणवीसांनी सरकारबद्दल आणखी एक गौप्यस्फोट करणार असल्याचं म्हटलं आहे.

नागपूर येथे देवेंद्र फडणवीस यांनी माध्यमांशी संवाद साधला. महाविकास आघाडी सरकारमधील कॅबिनेट मंत्री छगन भुजबळ यांनी नवाब मलिक यांचा राजीनामा घेणार नसल्याचं स्पष्ट केलं. सरकारच्या या भूमिकेवर बोलताना देवेंद्र फडणवीस म्हणाले, “अतिशय चुकीचा पायंडा या ठिकाणी पाडला जात आहे. कारण त्यांना कोणत्याही राजकीय गुन्ह्यामध्ये अटक झालेली नाही. टेरर फंडिंगशी संबंधित असलेल्या गुन्ह्यामध्ये त्यांना अटक झालेली आहे. एनआयएने गुन्हा दाखल केला आहे. ईडीने मनी लाँडरिंगमध्ये अटक केलेली आहे.”

या व्यवहारानंतर मुंबईत तीन वेळा बॉम्बस्फोट झाले; फडणवीसांचं खळबळजनक विधान