अनिल देशमुखांच्या घराचं CCTV फुटेज तपासण्याची मागणी करत परमबीर सिंग यांची सुप्रीम कोर्टात याचिका

आणखी काय म्हटलं आहे याचिकेत?

गृहमंत्री अनिल देशमुख यांच्या भ्रष्टाचाराविषयी मी जे पत्र लिहिलं आहे त्यामध्ये तथ्य आहे. या प्रकरणाची निष्पक्षपातीपणे कोणतीही बाजू न घेता चौकशी केली गेली पाहिजे. पुरावे नष्ट होण्याच्या आधी त्याची सत्यता तपासणेही आवश्यक आहे. अनिल देशमुख यांनी फेब्रुवारी २०२१ मध्ये सचिन वाझे आणि संजय पाटील यांच्यासोबत बैठक घेतली होती. या दोघांच्याही वरिष्ठांना डावलून ही बैठक झाली होती. या बैठकीत महिन्याला १०० कोटी रूपये गोळा करण्याचं टार्गेट अनिल देशमुख यांनी दिलं होतं.

‘लेटरबॉम्ब’ प्रकरण तपासण्याची मुळीच इच्छा नाही-ज्युलिओ रिबेरो

२४ आणि २५ ऑगस्ट २०२० ला रश्मी शुक्ला ज्या गुप्तचर यंत्रणेच्या आयुक्त आहेत त्यांनीही पोलीस महासंचालकांना, पोस्टिंग आणि बदल्यांमध्ये अनिल देशमुख ढवळाढवळ करत असल्याचं स्पष्ट केलं होतं. या गोष्टीचा उल्लेखही याचिकेत करण्यात आला आहे. गृहमंत्री अनिल देशमुख यांनी तपासामध्ये हस्तक्षेप करून पोलीस अधिकाऱ्यांना आपल्याला हव्या तशा सूचना देत होते असाही आरोप परमबीर सिंग यांनी आपल्या याचिकेत केला आहे.