संजय राऊतांच्या नव्या ट्विटने सर्वांच्या भुवया उंचावल्या, नेमकं काय म्हणाले?

विधानसभा 2019 निवडणुकीनंतर राज्यात सत्ता पालट घडविण्यात संजय राऊत यांचा मोठा हात होता. त्यावेळी शिवसेनेचे फायरब्रँड नेते अशी संजय राऊतांची ओळख निर्माण झाली होती. आपल्या दररोजच्या पत्रकार परिषदांमुळे तेव्हा राऊत सतत चर्चेत असायचेच पण त्याचवेळी त्यांच्या ट्विटरवरील शेरो-शायरीमुळे देखील ते सगळ्यांचं लक्ष आपल्याकडे ओढून घ्यायचे.

आता राज्यात त्यांच्या पक्षाची सत्ता आलेली असताना देखील ते कधी सामनाती अग्रलेखाच्या माध्यमातून तर कधी ट्विटरवरील शेरोशायरीमधून ते सरकारच्या कामकाजावर अंकुश ठेवण्याचा प्रयत्न करतात.

बुरा न मानो..
होली है……… pic.twitter.com/4pqmYKGJoC

— Sanjay Raut (@rautsanjay61) March 28, 2021

आज (28 मार्च) पुन्हा एकदा सकाळी संजय राऊतांनी सकाळीच एक ट्विट केलं आहे. ज्यामध्ये त्यांनी असं म्हटलंय की, ‘आसमान मे उडने की मनाही नही है…. बस शर्त इतनी है की जमीन को नजर अंदाज ना करे’याचाच अर्थ ते यामधून कुणाला तरी इशारा देत आहेत. मागील काही दिवसांपासून त्यांची एकूण वक्तव्य पाहता हा इशारा बहुदा त्यांनी आपल्या सरकारलाच दिला असल्याची दाट शक्यता आहे.