सातारा : जिवंत मांडूळ सापाची विक्री करणाऱ्या तिघांना अटक

लोणंद येथील पशुवैद्यकीय महाविद्यालयाच्या जवळ हे आरोपी सापाची विक्री करण्यासाठी येणार असल्याची माहिती वन विभागाच्या अधिकाऱ्यांना मिळाली होती. संध्याकाळी ठरल्याप्रमाणे पाच वाजल्याच्या दरम्यान, एका दुचाकीवर तिघेही आरोपी संशयास्पदरित्या घुटमळताना वनविभागाला आढळले.

यानंतर वनविभागाच्या अधिकाऱ्यांनी या संशयितांना थांबवून चौकशी केली असता त्यांच्याकडे मांडूळ जातीचे साप आढळून आले. वनविभागाने याप्रकरणात रविंद्र कंगाळे, अनिकेत यादव आणि संतोष काटे या तीन आरोपींना अटक केली आहे. मांडूळ जातीचा साप हा वन्यजीव संरक्षक अधिनियम च्या शेड्यूल ४ अंतर्गत येतो. या सापाला मारणं किंवा कोणत्याही इतर कामासाठी त्याची विक्री करणं हे कायद्याने गुन्हा आहे. वनविभाग या प्रकरणाचा अधिक तपास करत आहे.