Mumbai: एक बॅनर अन्… शिवसेना-भाजप कार्यकर्त्यांमध्ये तुंबळ हाणामारी

शिवसेना कार्यकर्त्यांनी केलेल्या हल्ल्यात जखमी झालेल्या भाजप कार्यकर्त्याचं नाव बिभीषण विश्वनाथ वारे (वय 40) असं आहे. त्यांच्यावर सुख सागर रुग्णालयात उपचार सुरू असून, त्यांची प्रकृती गंभीर आहे.

बिभीषण वारे यांनी हे 14 वर्षांपासून प्रकाश सुर्वे यांच्यासोबत शिवसेनेत होते. काही दिवसांपूर्वी त्यांनी विधान परिषदेतील भाजपचे नेते प्रवीण दरेकर यांच्या उपस्थितीत भाजपत प्रवेश केला. त्यानंतर ही घटना घडली आहे.

लाखडी दांडे, लोखंडी रॉड, चॉपरने मारहाण, दहिसरमध्ये काय घडलं?

बिभीषण वारे यांनी दिलेल्या तक्रारीनुसार, दहिसर पूर्व येथे नवनाथ नावाडकर यांनी भाजपत प्रवेश केल्यानंतर अशोकवन जंक्शन, चिंतामणी प्लाझा समोर बिभीषण वारे यांनी अभिनंदनाचा बॅनर लावला. तिथे पूर्वी आमदार प्रकाश सुर्वे यांचा एक बॅनर लावलेला होता. भूमिपूजनाचा कार्यक्रम संपलेला असल्याने वारे यांनी त्या ठिकाणी हा बॅनर लावला.