धक्कादायक! दोन वर्षांपूर्वी बेपत्ता झाली मुलगी, मृतदेह पुरलेल्या अवस्थेत मिळाल्याने खळबळ

दोन वर्षांपूर्वी बेपत्ता झालेल्या 17 वर्षांच्या मुलीचा मृतदेह जमिनीत पुरलेल्या अवस्थेत आढळला आहे. जुन्नरच्या आंबेगाव तालुक्यातील नाव्हेड गावातील आदिवासी मुलगी बेपत्ता झाली होती. तिचा मृतदेह शोधण्यात पोलिसांना यश आलं आहे. सखुबाई शंकर घोडे असं मृत मुलीचं नाव आहे. मुलीचा संशयास्पद मृत्यू झाला असून या प्रकरणाचा आम्ही कसून शोध घेत आहोत असं पोलीस निरीक्षक जीवन माने यांनी सांगितलं आहे.

दोन वर्षांपूर्वी बेपत्ता झालेल्या मुलगीने आत्महत्या केली असावी म्हणून मुलीच्या वडिलांनी मुलगी बेपत्ता असल्याची तक्रार घोडेगाव पोलीसांत दिली. त्यानुसार घोडेगाव पोलिसांकडून बेपत्ता महिला मुली, नागरिकांची शोध मोहिम कार्यक्रम सुरु असताना दोन वर्षापुर्वी रहात्या घरातून बेपत्ता झालेल्या सखुबाई शंकर घोडे (वय १७ वर्ष) या मुलीचा शोध सुरू केला. त्यानंतर पोलिसांना नोव्हड येथील घोडनदी पात्रालगत तिचा मृतदेह गाडल्याची माहिती घोडेगाव पोलीसांना मिळाली.

ज्यानंतर घोडेगाव पोलिसांनी आज तहसिलदार रमा जोशी यांच्या उपस्थित मुलीच्या मृतदेहाचा सांगाडा बाहेर काढण्यात आला असुन शवच्छेदनासाठी पाठविण्यात आला आहे मुलीचा मृत्यू कसा झाला? ही माहिती अद्याप मिळू शकलेली नाही. मात्र दोन वर्षानंतर मुलगी सापडली नाही तर मुलीचा मृतदेह सापडल्याने आई वडिलांना अतीव दुःख झालं आहे.

घोडेगाव पोलीसांकडुन बेपत्ता महिला नागरिक आणि मुलींच्या बेपत्ता प्रकरणावर कसुन काम सुरु असताना घोडेगाव पोलीसांनी सहा महिन्यात 7 पुरुष,14 महिला,1 मुलगा आणि 14 अल्पवयीन मुलींना शोधण्यात यश आल्याची माहिती सहाय्यक पोलीस निरिक्षक जीवन माने यांनी दिली आहे.