तो परफॉर्मन्स अखेरचा ठरला… प्रसिद्ध गायक केके याचं ह्रदयविकाराच्या धक्क्याने निधन

कोलकातामध्ये आयोजित लाईव्ह कॉन्सर्टनंतर त्याला अस्वस्थ वाटू लागलं. त्यानंतर रुग्णालयात नेईपर्यंत त्याची प्राणज्योत मालवली.

View this post on Instagram

A post shared by Viral Bhayani (@viralbhayani)

कृष्णकुमार कुन्नथ याचे कोलकातामध्ये लाईव्ह कॉन्सर्ट आयोजित करण्यात आले होते. कॉन्सर्टनंतर त्याची प्रकृती अचानक बिघडली आणि तो खाली पडला. त्यानंतर त्याला रुग्णालयात नेण्यात आलं. डॉक्टरांनी त्याला मृत घोषित केलं. वयाच्या ५३व्या वर्षी केकेनं अखेरचा श्वास घेतला.

प्राथमिक माहितीनुसार केकेचं निधन ह्रदयविकाराच्या धक्क्याने झालं. मात्र पोस्टमॉर्टेम रिपोर्ट आल्यानंतरच त्याच्या मृत्यूचं कारण समजू शकेल. केके दोन दिवसांसाठी कोलकातात आला होता. विवेकानंद कॉलेजमध्ये त्याचा कार्यक्रम आयोजित करण्यात आलेला होता. त्याचा हा परफॉर्मन्स अखेरचा ठरला.