ठाणे : व्हेल माशाची उलटी विकण्याचा प्रयत्न करणारे दोन जण जेरबंद

ठाण्याच्या घोडबंदर परिसरात दोन जणं व्हेल माशाची उलटी विकण्यासाठी येणार असल्याची माहिती गुन्हे शाखेला मिळाली होती. यावरुन पोलिसांनी शुक्रवारी संध्याकाळी सव्वा पाच वाजता जकात नाका, घोडबंदर परिसरात सापळा रचला. यावेळी दोन संशयत बाईकवरुन फिरताना पोलिसांना दिसले.

या दोघांना चौकशीसाठी ताब्यात घेतलं असता त्यांच्याकडे व्हेल मालाशी उलटी सापडली. पोलिसांनी दोन्ही आरोपींना अटक करुन त्यांच्याजवळचा मुद्देमाल जप्त केला आहे. या प्रकरणात आणखी कोणी सहभागी आहे का याचा तपास पोलीस अधिकारी करत आहेत.