मंदिरातली दानपेटी चोरून जात होता चोर, पोलिसांनी घेतलं ताब्यात; चिल्लर मोजताना पोलीस झाले हैराण

लालजीतकुमार लोधी असं या चोराचं नाव असून त्याला पोलिसांनी अटक केली आहे. उल्हासनगरच्या कैलास कॉलनी भागातून हा चोरटा शनिवारी एक भलंमोठं बोचकं घेऊन जात होता. यावेळी गस्तीवर असलेल्या पोलिसांना संशय आल्यानंतर त्यांनी चोराला हटकलं. पोलिसांनी थांबवल्यानंतर चोरटा आपलं बोचकं तिकडेच टाकून पळून जायला लागला.

पोलिसांनी चोरट्याचं बोचकं उघडून पाहिल्यावर त्यांना एक, दोन, पाच, दहा रुपयायंची तीन हजाराची नाणी सापडली. चोरट्याला पकडल्यानंतर त्याने आपण चालीया मंदिराच्या दानपेटीतली पैसे चोरल्याचं कबुल केलं. पोलिसांनी या मंदिराच्या व्यवस्थापकांना याची माहिती दिली असून चौकशीदरम्यान हा चोरटा याआधी याच मंदिरात सुरक्षारक्षकाचं काम करत असल्याचं समोर आलं आहे.

पंढरपूर : मोटारसायकल चोरी करणाऱ्या टोळीच्या पोलिसांनी आवळल्या मुसक्या