Pune: दत्ताच्या मूर्तीवर नाग विराजमान, VIDEO व्हायरल

श्रावण (Shravan) महिन्यात शिवशंकराच्या मंदिरात भक्तगण आवर्जून जातात. आपली मनातील इच्छा-आकांक्षा पूर्ण होण्यासाठी मनोभावे पूजा देखील करतात. दरम्यान, श्रावणातच नागपंचमी देखील साजरी केली जाते. त्यामुळे नागाचं दर्शन घेणं हे पवित्र मानलं जातं. दरम्यान, पुण्यातील (Pune) इंदापूरमधील (Indapur) एका नागाचा (Snake) व्हीडिओ खूपच व्हायरल होत आहे.

व्हायरल व्हीडिओमध्ये एक नाग चक्क एका मंदिरातील दत्ताच्या मूर्तीवर जाऊन फणा काढून बसलेल्या पाहायला मिळत आहे. हा संपूर्ण प्रकार कॅमेऱ्यात कैद झाल्याने आता त्याचा व्हीडिओ व्हायरल होत आहे.

हा व्हायरल व्हीडिओ पुणे जिल्ह्यातील इंदापूर तालुक्यात निरगुडे गावातील असल्याचं सांगण्यात येत आहे. येथील लिंबराज येथील मंदिरात मंगळवारी हा प्रकार भाविकांना पाहायला मिळाला. या मंदिरात श्रावणातील तिसऱ्या सोमवारी आमि मंगळवारी विशेष पूजा केली जाते. तसंच यात्रेचं देखील आयोजन केलं जातं. पण मागील 2 वर्ष कोरोनाचं संकट कायम असल्याने इथे यात्रा भरु शकलेली नाही.