PM Modi: ‘काल काही लोक उड्या मारत होते’, मोदींचे राहुल गांधींना टोमणे

पंतप्रधान नरेंद्र मोदी यांनी राहुल गांधी यांचे नाव न घेता त्यांच्यावर निशाणा साधला. ‘पीएम मोदी म्हणाले की, काल काही लोक उड्या मारत होते. काल काही लोक बोलत होते, तेव्हा संपूर्ण इकोसिस्टम उसळत होती. पण काल त्यांना चांगली झोप लागली असावी म्हणून कदाचित ते आज उठू शकले नाही.’ असा टोमणा मोदींनी राहुल गांधींचं नाव न घेता त्यांना लगावला. यावेळी पीएम मोदी म्हणाले की, ‘एका मोठ्या नेत्याने राष्ट्रपतींचा अपमानही केला आहे.’

पाहा पंतप्रधान मोदी लोकसभेतील भाषणात नेमकं काय-काय म्हणाले:

‘काही लोकांना देशाची प्रगती स्वीकारता येत नाही’

विरोधी पक्षांवर हल्लाबोल करताना पंतप्रधान नरेंद्र मोदी म्हणाले की, ‘आज देश प्रत्येक क्षेत्रात प्रगती करत आहे. काही लोकांना ते स्वीकारता येत नाही. आज खेळाडू आपला दर्जा दाखवत आहेत. भारताच्या डंका जगभरात वाजत आहे. भारत हे उत्पादनाचे केंद्र बनले आहे. आज देशातील प्रत्येक क्षेत्रात आशा दिसू लागली आहे, परंतु काही लोकांना ती दिसत नाही.’