यापुढे नेतृत्व आदित्य ठाकरेच करणार? संजय राऊत यांनी दिले स्पष्ट संकेत

या मुलाखतीमध्ये संजय राऊत यांना शिवसेना आणि भाजप पुन्हा एकत्र येऊ शकतात का? की यापुढील मार्ग महाविकास आघाडीचा असणार आहे? असा सवाल विचारण्यात आला. याच्या उत्तरात राऊत यांनी उद्धव ठाकरे यांचं नाव कुठेही घेतलं नाही.

राऊत म्हणाले, यापुढील मार्ग हा महाविकास आघाडीचा आहे. आज राहुल गांधी-आदित्य ठाकरे एकत्र चालत आहेत. ही आजच्या काळातील दांडी यात्रा आहे. महात्मा गांधीही देशभर चालले होते. त्यानंतर देश जागा झाला. ही तरुण मुलं आहेत. त्यांच्यासोबत आज तरुण वर्ग चालतं आहे. तरुण वर्गाला या यात्रेचं आकर्षण आहे.

तसंच आदित्य ठाकरे यांचा स्वभाव मी जाणतो. ते आमचे तरुण नेते आहेत. ते आज राहुल गांधी यांच्यासोबत चालत आहेत, याचा अर्थ पुन्हा मागे फिरण्यासाठी नाही. ते पुढे चालले आहेत. मागे फिरुन परत दगा देणं ही त्यांची किंवा आमची भूमिका नाही. वाईट काळामध्ये आम्ही एकत्र आहोत, असं म्हणतं त्यांनी यापुढे महाविकास आघाडी सोबतच राहणार आणि आदित्य ठाकरे यांच्या नेतृत्वात राहणार असे स्पष्ट संकेत दिले.

संपूर्ण मुलाखत पाहण्यासाठी :