पंतप्रधानांसमोर झुकले, जुनी परंपराही मोडली, मोदींसाठी देशाने ‘हा’ नियम मोडला

जुनी परंपरा काय?

प्रशांत महासागरात स्थित हा बेट, देश रात्रीच्या वेळी परदेशी पाहुण्यांचे स्वागत करत नाही. या देशांमध्ये पापुआ न्यू गिनी देशाचा समावेश होतो. पापुआ न्यू गिनी देशात असा नियम आहे की, सूर्यास्तानंतर तेथे आलेल्या कोणत्याही नेत्याचे औपचारिक स्वागत केले जात नाही. परंतू पंतप्रधान मोदींचे (Pm Narendra Modi) भव्य स्वागत करण्यात आले होते. त्यामुळे पापुआ न्यू गिनी देशासाठी पंतप्रधान मोदी हे पहिले व्यक्ती ठरले आहेत, ज्यांच्यासाठी या देशाने आपली जुनी परंपरा मोडून काढली आहे.

हे ही वाचा : सुषमा अंधारेंना राज ठाकरे स्टाईल अंगलट? मिटकरी भडकले, थेट ठाकरेंकडे तक्रार

मोदींसाठीच का परंपरा मोडली?

पापुआ न्यू गिनी देशात आतापर्यंत अनेक दिग्गज नेत्यांनी हजेरी लावली आहे. पण फक्त पंतप्रधान नरेंद्र मोदी (Pm Narendra Modi) हे पहिले असे नेते ठऱले आहेत, ज्याच्या स्वागतासाठी देशाने जुनी परंपरा मोडली होती. पण ती परंपरा का मोडली असा सवाल आता उपस्थित होत आहे. तर याचे उत्तर असे आहे की, जगातील वाढते भारताचे महत्त्व आणि जागतिक स्तरावरील पीएम मोदींची वाढती विश्वासार्हता लक्षात घेऊन तेथील सरकारने हा निर्णय घेतला होता.

दरम्यान पापुआ न्यू गिनीमध्ये स्थायिक झालेल्या भारतीय नागरीकांनी देखील पंतप्रधान मोदींचे (Pm Narendra Modi) स्वागत केले. पंतप्रधानांनी येथे पोहोचून अनेकांची भेट घेतली. अनेक भारतीयांनी पंतप्रधान मोदींना भेटवस्तू देखील दिल्या. तसेच पीएम मोदींसोबत फोटो काढण्यासाठीही अनेकजण उत्सुक होते.