'स्वातंत्र्य म्हणजे मनमानी नाही', पुण्यात आल्यावर अजित डोवालांनी टोचले Gen-Z चे कान
Ajit Doval on Gen Z: NSA अजित डोभाल यांनी Gen-Z तरुणांना स्वातंत्र्याचा खरा अर्थ समजून घेण्याचं आवाहन केलं आहे. राष्ट्रहित, लोकमान्य टिळकांचे विचार आणि पंतप्रधान मोदी व अमित शाह यांच्या नेतृत्वाबाबतही त्यांनी महत्त्वपूर्ण भाष्य केलं.
ADVERTISEMENT
बातम्या हायलाइट
'स्वातंत्र्य म्हणजे मनमानी नाही', अजित डोवालांचं पुण्यात वक्तव्य
पुण्यातून NSA अजित डोवाल यांचा Gen-Z ला राष्ट्रहिताचा संदेश
अजित डोवाल यांचा पुण्यात अमित शाहांच्या हस्ते सत्कार
पुणे: लोकमान्य बाळ गंगाधर टिळक यांच्या पुण्यतिथीनिमित्त पुण्यात आयोजित विशेष कार्यक्रमात राष्ट्रीय सुरक्षा सल्लागार (NSA) अजित डोवाल यांना 'लोकमान्य टिळक राष्ट्रीय पुरस्कार 2026' प्रदान करण्यात आला. केंद्रीय गृहमंत्री अमित शाह यांच्या हस्ते त्यांचा सत्कार करण्यात आला. पारंपरिक पुणेरी पगडी, स्मृतिचिन्ह, धनादेश आणि 'गीतारहस्य'ची प्रत देऊन त्यांचा गौरव करण्यात आला.
पुरस्कार स्वीकारल्यानंतर आपल्या भाषणात अजित डोवाल यांनी देशातील तरुणांना, विशेषतः Gen-Z पिढीला, स्वातंत्र्याचा खरा अर्थ समजून घेण्याचं आवाहन केलं. यावेळी त्यांनी राष्ट्रहित, लोकमान्य टिळकांचे विचार आणि देशाच्या नेतृत्वाविषयीही महत्त्वपूर्ण भूमिका मांडली.
'स्वातंत्र्य म्हणजे मनमानी नव्हे'
डोवाल म्हणाले की, 'आजच्या तरुण पिढीने स्वातंत्र्याचा खरा अर्थ समजून घेणं अत्यंत आवश्यक आहे. काहीजण स्वातंत्र्य म्हणजे मनाला येईल ते करणं असा अर्थ काढतात, मात्र ही विचारसरणी चुकीची आहे.' असं म्हणत त्यांनी यावेळी जेन-झीचे कान टोचले.
हे ही वाचा>> 'माझं पुण्याशी 76 वर्षांपूर्वीचं नातं, दर मंगळवारी मी...', अजित डोवालांनी पुण्याविषयी नेमकं सांगितलं तरी काय?
डोवाल पुढे म्हणाले, 'राष्ट्रहिताच्या विरोधात जाणारा कोणताही मार्ग स्वीकारू नये. प्रत्येक भारतीयाने स्वतःच्या वैयक्तिक हितापेक्षा देशहिताला प्राधान्य दिलं पाहिजे. भारताला अधिक सक्षम, सुरक्षित आणि शक्तिशाली बनवणं ही प्रत्येक नागरिकाची जबाबदारी आहे.'