प्रताप सरनाईकांचा बंगला भाजपच्या राज्यमंत्र्याना! सरकारी बंगला काढला की बदलून दिला? महायुतीत चाललंय तरी काय?
Pratap Sarnaik Bungalow: शिवसेना कॅबिनेट मंत्री प्रताप सरनाईक यांचा मलबार हिल येथील बंगला शासनाने काढून भाजपच्या राज्यमंत्री मेघना बोर्डीकर यांना दिल्याने सर्वांच्याच भुवया उंचावल्या आहेत.
ADVERTISEMENT
बातम्या हायलाइट
प्रताप सरनाईक यांचा मलबार हिल येथील बंगला शासनाने काढून मेघना बोर्डीकरांना दिला
मंत्री प्रताप सरनाईक यांना शासकीय निवासस्थान म्हणून चर्चगेट येथील फ्लॅट देण्यात आला
सत्ताधारी महायुतीत बरीच धुसफूस सुरू
Pratap Sarnaik and Meghna Bordikar: मुंबई: सत्तास्थापनेपासून महाराष्ट्रातील महायुती सरकारमध्ये सातत्याने धुसफूस असल्याचं पाहायला मिळत आहे. नुकतीच दोन पालकमंत्र्यांच्या नियुक्तीला स्थगिती देण्याचा निर्णय ताजा असताना आता चक्क शिवसेनेच्या एका कॅबिनेट मंत्र्याचा बंगला काढून भाजपच्या राज्यमंत्र्याला देण्यात आला आहे. त्यामुळे आता नवी चर्चा राजकीय वर्तुळात सुरू झाली आहे. (bungalow of a shiv sena cabinet minister pratap sarnaik was taken away and given to a bjp minister of state meghna bordikar what is going on in the mahayuti)
शिवसेनेचे कॅबिनेट मंत्री प्रताप सरनाईक यांना सुरुवातीला मलबार हिल येथील अवंती-5 हा बंगला देण्यात आला होता. पण आता त्याऐवजी त्यांना चर्चगेट येथील सुरूची - 18 हे शासकीय निवासस्थान देण्यात आलं आहे.
हे ही वाचा>> फडणवीस सरकारवर मोठी नामुष्की, महाजन-तटकरेंना मोठा धक्का.. पालकमंत्री पदाला स्थगिती
तर दुसरीकडे प्रताप सरनाईक यांचाच बंगला हा भाजपच्या राज्यमंत्री मेघना बोर्डीकर यांना देण्यात आला आहे.
प्रताप सरनाईकांचा 'तो' बंगला काढून घेतला
सुरुवातीला जेव्हा मंत्र्यांना बंगल्यांचे वाटप करण्यात आले होते. तेव्हा प्रताप सरनाईक यांना मलबार हिल येथील अवंती-5 या बंगल्याचे वाटप करण्यात आले होते. पण आता तो बंगला काढून त्याऐवजी त्यांना सुरूची - 18 या शासकीय निवासस्थानाचे वाटप करण्यात आलं आहे.
हे वाचलं का?
