जळगाव : शिंदेंचे आमदार चिमणराव पाटलांच्या मुलाचा पराभव; पॅनेलचाही धुव्वा

पारोळा कृषी उत्पन्न बाजार समितीची ही निवडणूक सुरुवातीपासूनच अत्यंत चुरशीची ठरली होती. याच कारण म्हणजे राष्ट्रवादीचे नेते सतीश पाटील आणि त्यांच्या पत्नी रेखा पाटील यांचे उमेदवारी अर्ज अवैध ठरवण्यात आले होते. मात्र सतीश पाटलांनी उच्च न्यायालयात धाव घेतल्यानंतर दोघांची उमेदवारी वैध ठरली होती. यावेळी सत्याने असत्यावर विजय मिळवला आहे, यापुढील काळात आमदार चिमणराव पाटील यांना विधानसभा निवडणुकीत देखील पराभूत करू, असा आत्मविश्वास डॉ. सतीश पाटील यांनी व्यक्त केला होता.

जळगावमध्ये महाजनांचे वर्चस्व, भुसावळमध्ये खडसेंना धक्का :

दरम्यान, जळगाव जिल्हातील 6 पैकी 4 कृषी उत्पन्न बाजार समितीवर भाजप-शिंदे गटाचे विजय मिळविला तर 2 बाजार समित्यांवर महाविकास आघाडीने झेंडा फडकविला आहे. भाजपचे नेते गिरीश महाजन यांच्या जामनेर बाजार समितीत भाजप प्रणित सहकार पँनलला 18 पैकी 18 जागा मिळाल्या. तर , भुसावळ बाजार समितीत राष्ट्रवादीचे नेते एकनाथ खडसे यांना मोठा धक्का बसला आहे. इथे भाजप आमदार संजय सावकारे यांच्या पॅनेलला 15 तर महाविकास आघाडीला फक्त 3 जागांवर समाधान मानावे लागले आहे.

जळगावमधील 12 पैकी 6 कृषी उत्पन्न बाजार समितीचे निकाल :

• जामनेर – भाजपा – 18
• भुसावळ – भाजपा – 15, महाविकास आघाडी – 3
• चाळीसगाव – भाजप 15 , महाविकास आघाडीला 3
• पारोळा – महाविकास आघाडी – 15, शिवसेना -3
• चोपडा – भाजपा-शिवसेना – 9, महाविकास आघाडी – 9
• रावेर – महाविकास आघाडी – 13, भाजप-शिवसेना – 5