काँग्रेस नेत्याची आमदारकी रद्द, उच्च न्यायालयाने भाजपच्या पराभूत उमेदवाराला आमदार करुन टाकलं, नेमकं कारण काय?
MP Politics : भाजप नेते आणि माजी मंत्री रामनिवास रावत यांनी उच्च न्यायालयात निवडणूक याचिका दाखल केली होती. मुकेश मल्होत्रा यांनी पोटनिवडणुकीदरम्यान आपल्या नामांकन अर्जात गुन्हेगारी रेकॉर्डची माहिती लपवल्याचा आरोप या याचिकेत करण्यात आला होता. मल्होत्रा यांच्यावर 6 गुन्हेगारी गुन्हे दाखल होते, ज्याचा उल्लेख त्यांनी आपल्या प्रतिज्ञापत्रात केला नव्हता, अशी माहिती रावत यांनी न्यायालयाला दिली होती.
ADVERTISEMENT
बातम्या हायलाइट
काँग्रेस नेत्याची आमदारकी रद्द
उच्च न्यायालयाने भाजपच्या पराभूत उमेदवाराला आमदार करुन टाकलं, नेमकं कारण काय?
MP Politics : मध्य प्रदेशातील विजयपूर विधानसभा मतदारसंघाच्या राजकारणात मोठी उलथापालथ झाली आहे. ग्वाल्हेर उच्च न्यायालयाच्या खंडपीठाने काँग्रेस आमदार मुकेश मल्होत्रा यांची निवडणूक रद्द केली आहे. न्यायालयाने केवळ मल्होत्रा यांची निवडच रद्द केली नाही, तर या प्रकरणातील याचिकाकर्ते आणि पोटनिवडणुकीत दुसऱ्या क्रमांकावर राहिलेले भाजप नेते रामनिवास रावत यांना विजयपूरचे नवे आमदार म्हणून घोषित करण्याचे आदेश दिले आहेत.
नेमके प्रकरण काय?
भाजप नेते आणि माजी मंत्री रामनिवास रावत यांनी उच्च न्यायालयात निवडणूक याचिका दाखल केली होती. मुकेश मल्होत्रा यांनी पोटनिवडणुकीदरम्यान आपल्या नामांकन अर्जात गुन्हेगारी रेकॉर्डची माहिती लपवल्याचा आरोप या याचिकेत करण्यात आला होता. मल्होत्रा यांच्यावर 6 गुन्हेगारी गुन्हे दाखल होते, ज्याचा उल्लेख त्यांनी आपल्या प्रतिज्ञापत्रात केला नव्हता, अशी माहिती रावत यांनी न्यायालयाला दिली होती.
हेही वाचा : पीडित महिलेला झोपडीत बोलावले, नंतर प्रायव्हेट पार्टमध्ये दांडकं घालून... जादूटोण्याचा संशय अन् महिलेचा बळी
न्यायालयाचा निकाल
न्यायमूर्ती जी. एस. अहलुवालिया यांच्या खंडपीठाने या प्रकरणाची सुनावणी करताना महत्त्वपूर्ण तथ्ये लपवणे हे निवडणूक कायद्याचे उल्लंघन असल्याचे मानले. त्यानुसार, मुकेश मल्होत्रा यांची निवड अमान्य ठरवत रामनिवास रावत यांना नवा आमदार म्हणून घोषित केले. या आदेशामुळे आता विजयपुरमध्ये पुन्हा पोटनिवडणुकीची गरज उरलेली नाही, तर रावत थेट आमदार म्हणून जबाबदारी स्वीकारतील.
हे वाचलं का?
