पार्थ पवार आणि कायनात दारा यांचा साखरपुडा संपन्न, पुण्यातील समारंभाला दिग्गजांची उपस्थिती
parth pawar kaiynaat dara engagement : राष्ट्रवादी काँग्रेसचे राज्यसभा खासदार पार्थ पवार यांचा कायनात दारा यांच्यासोबत पुण्यात साखरपुडा पार पडला. या समारंभाला राज्यातील अनेक प्रमुख राजकीय नेत्यांनी उपस्थिती लावली.
ADVERTISEMENT
बातम्या हायलाइट
पार्थ पवार आणि कायनात दारा यांचा साखरपुडा संपन्न
कायनात दारा कोण आहेत?
parth pawar kaiynaat dara engagement : राष्ट्रवादी काँग्रेसचे नेते आणि राज्यसभा खासदार पार्थ पवार यांचा कायनात दारा यांचा साखरपुडा पुण्यातील एका हॉटेलमध्ये पार पडला. या समारंभाला महाराष्ट्राचे मुख्यमंत्री देवेंद्र फडणवीस, उपमुख्यमंत्री एकनाथ शिंदे, राष्ट्रवादी काँग्रेस (शरदचंद्र पवार) पक्षाचे अध्यक्ष शरद पवार यांच्यासह राज्यातील अनेक मंत्री आणि प्रमुख राजकीय नेत्यांनी उपस्थिती लावली. कुटुंबीयांच्या माहितीनुसार, पार्थ पवार आणि कायनात दारा यांचा विवाह 27 फेब्रुवारी 2027 रोजी बारामती येथे होणार आहे.
हेही वाचा : 12 वर्षीय मुलाचा बाराव्या मजल्यावरून तोल जाऊन मृत्यू, शेजारच्यांकडून कुटुंबाला माहिती
अजितदादांच्या मृत्यूनंतर पार्थ पवारांवर मोठी जबाबदारी
पार्थ पवार हे महाराष्ट्राच्या उपमुख्यमंत्री सुनेत्रा पवार यांचे पुत्र असून, जानेवारी महिन्यात विमान अपघातात अजित पवार यांच्या निधनानंतर ते राष्ट्रवादी काँग्रेसमध्ये महत्त्वाची भूमिका बजावत आहेत. साखरपुड्याच्या कार्यक्रमानंतर त्यांच्या होणाऱ्या पत्नीबाबत विविध वृत्तवाहिन्या, डिजिटल माध्यमे आणि सोशल मीडियावर काही तथ्यात्मक त्रुटींसह माहिती प्रसारित झाल्याचे समोर आले होते. विशेषतः त्यांच्या नावाचे चुकीचे स्पेलिंग तसेच कौटुंबिक आणि सामाजिक पार्श्वभूमीबाबत चुकीचे उल्लेख झाल्यानंतर राष्ट्रवादीकडून कायनात दारा यांच्याकडून त्यांच्याबद्दल अधिकृत माहिती देण्यात आली आहे.
हेही वाचा : 12 वर्षीय मुलाचा बाराव्या मजल्यावरून तोल जाऊन मृत्यू, शेजारच्यांकडून कुटुंबाला माहिती