पवनराजे निंबाळकर हत्या प्रकरण : पद्मसिंह यांच्या वकिलाचा 1250 पानांचा लेखी युक्तिवाद, काय म्हटलं होतं?

Pawanraje Nimbalkar murder case, धाराशिव - गणेश जाधव : पवनराजे निंबाळकर यांच्या हत्या प्रकरणाचा निकाल आज (दि.16) लागणार असल्याची शक्यता व्यक्त करण्यात येत होती.  मात्र, न्यायालयाने निकालाची तारीख पुढे ढकलली आहे.  निकाल तीन दिवसांनी 20 जूनला लागणार असल्याची माहिती समोर आली आहे.  न्यायाधीशांनी निकालाचा मसुदा (जजमेंट) तयार करून त्याचे डिक्टेशन पूर्ण केले आहे. मात्र, त्यामध्ये काही दुरुस्त्या करायच्या असून अंतिम संकलन (कम्पायलेशन) बाकी आहे. नियमित स्टेनोग्राफर रजेवर असल्यामुळे हे काम पूर्ण होऊ शकले नाही. तसेच, संपूर्ण न्यायालयीन सुट्टीदरम्यान न्यायाधीश विविध कामकाज आणि नियुक्त्यांमध्ये व्यस्त होते, त्यामुळे निर्णय अंतिम स्वरूपात तयार करता आला नाही. सीबीआयच्या वकिलांनी आपण उपस्थित राहू शकणार नसल्याचे सांगितले. त्यांना नागपूरला जावे लागणार असल्याने त्यांनी मुदतवाढ देण्याची विनंती केली. अखेरीस न्यायाधीशांनी ती विनंती मान्य केली आणि निकाल जाहीर करण्याची तारीख 20 जूनपर्यंत पुढे ढकलली.