Sanjay Raut : "...म्हणून अमित शाह आक्रोश करताहेत" राऊतांचा पलटवार
Sanjay Raut on Amit Shah : अमित शाह यांनी शरद पवारांवर भ्रष्टाचाराचे मुख्य म्होरके, तर उद्धव ठाकरेंना औरंगजेब क्लबचे नेते अशी टीका केली.
ADVERTISEMENT
बातम्या हायलाइट
अमित शाहांची शरद पवार आणि उद्धव ठाकरेंवर टीका
खासदार संजय राऊत यांनी अमित शाहांना दिले उत्तर
शाहांच्या टीकेवर राऊतांनी काय मांडली भूमिका?
Maharashtra Vidhan Sabha : केंद्रीय गृहमंत्री अमित शाह यांनी शरद पवार आणि उद्धव ठाकरे यांच्यावर टीका केली. शरद पवार हे भारतीय राजकारणातील भ्रष्टाचाराचे मुख्य म्होरक्या आहेत, तर उद्धव ठाकरे हे औरंगजेब फॅन क्लबचे नेते आहेत, असे शाह म्हणाले. खासदार संजय राऊत यांनी शाहांवर पलटवार केला आहे. (MP Sanjay Raut replied to Amit Shah after he attacked on Sharad pawar and uddhav thackeray)
माध्यमांशी बोलताना संजय राऊत म्हणाले, "अमित शाहांनी जे वक्तव्य केले, त्यावर सगळ्यांनी टाळ्या वाजवल्या. मला त्या सगळ्या मराठी श्रोत्यांची कीव येते. इतकी लाचारी, इतका निर्लज्जपणा. गुजरातचा एक व्यापारी नेता पुण्यात येतो आणि महाराष्ट्राचा अभिमान असलेल्या पवार-ठाकरे यांच्यावर अत्यंत घाणेरड्या भाषेत वक्तव्य करून निघून जातो."
'ते' सगळे अमित शाहांच्या मांडीला मांडी लावून बसतात -राऊत
"शरद पवारांवर भ्रष्टाचाराचे आरोप त्या काळात केले. ते ज्यांच्यामुळे केले, ते प्रफुल पटेल, अजित पवार, सुनील तटकरे, हसन मुश्रीफ, ते सगळे आज अमित शाहांच्या मांडीला मांडी लावून बसतात. या सगळ्यांमुळे शरद पवारांवर भ्रष्टाचाराचे आरोप झाले."
हेही वाचा >> ठाकरे-पवारांवर शाहांचा सर्वात मोठा हल्ला! भाजपची विधानसभेची ‘लाईन’ ठरली?
"त्यांच्या बाजूला अशोक चव्हाण बसले होते. ज्यांच्यावर भ्रष्टाचाराचा आरोप अमित शाहांनी केला. शरद पवारांना मोदी सरकारने पद्म विभूषण पुरस्कार दिला. मोदींनी त्यांचे कौतुक केले. याचा अर्थ मोदी आणि शाहांमध्ये काहीतरी भांडण झालेले दिसतं. मतभेद झालेले दिसतात."
हे वाचलं का?
