West Bengal Assembly Election Result 2026: प. बंगालमध्ये थोड्याच वेळात मतमोजणी, कोणाचा होणार खेला होबे?
West Bengal Election Result 2026 Latest updates: पश्चिम बंगाल विधानसभा निवडणुकीची मतमोजणी 4 मे रोजी होणार आहे. यावेळी बंगालच्या जनतेने नेमका कोणाला कौल दिला आहे याकडेच आता अवघ्या देशाचं लक्ष लागून राहिलं आहे.
ADVERTISEMENT
WB Results Vote Counting: कोलकाता: पश्चिम बंगालच्या 294 सदस्यीय विधानसभेसाठी दोन टप्प्यात झालेल्या मतदानानंतर आज (4 मे) रोजी मतमोजणी होणार आहे. 23 एप्रिलला पहिल्या टप्प्यात 152 जागांसाठी आणि 29 एप्रिलला दुसऱ्या टप्प्यात 142 जागांसाठी मतदान झाले. एकूण 7.04 कोटी मतदारांपैकी 92.93 टक्के मतदारांनी मतदानाचा हक्क बजावला. हा राज्याच्या इतिहासातील सर्वाधिक मतदान टक्का आहे. निवडणूक आयोगाने (ECI) तीन स्तरांची सुरक्षा व्यवस्था करून मतमोजणीसाठी पूर्ण तयारी केली आहे. कोलकाता, हावडा, बारासातसह 77 मतमोजणी केंद्रांवर ईव्हीएम मशीन स्ट्राँग रूममध्ये ठेवण्यात आल्या असून, सीसीटीव्ही, केंद्रीय दल आणि राज्य पोलिसांची कडक नजर ठेवण्यात येणार आहे. संपूर्ण देशाचे लक्ष या निकालाकडे लागले आहे.
प. बंगाल विधानसभा निवडणूक निकाल LIVE
- प. बंगाल विधानसभा निवडणूक: मतमोजणीला थोड्याच वेळात होणार सुरुवात
मुख्य पक्ष आणि राजकीय समीकरण
ही निवडणूक TMC (ऑल इंडिया तृणमूल काँग्रेस) विरुद्ध भाजप (BJP)यांच्यात मुख्य लढत आहे. ममता बॅनर्जी चौथ्यांदा मुख्यमंत्रिपदासाठी प्रयत्नशील आहेत. भाजपने ‘परिवर्तन’चा नारा देत 170+ जागांचे लक्ष्य ठेवले आहे.
एक्झिट पोल: ‘टुडेज चाणक्य’ने भाजपला 192±11 जागा, टीएमसीला 100 ±11 जागा दिल्या; इतर पोलमध्ये 140-160 जागा भाजपला दिल्या आहेत. दरम्यान, ममता बॅनर्जींनी एक्झिट पोलचे हे आकडे फेटाळले आहेत.
राजकीय महत्त्व
बंगालमध्ये शेती, उद्योग, शिक्षण, आरोग्य आणि कायदा-सुव्यवस्था हे मुख्य मुद्दे आहेत. विक्रमी मतदानाने ‘परिवर्तनाची लाट’ दाखवली असल्याचे भाजपचे म्हणणे आहे. तर टीएमसीने ‘जनतेचा विश्वास’ आपल्यावरच असल्याचा दावा केला आहे.
