Lok sabha 2024 : बारामतीत सुप्रिया सुळेंविरुद्ध सुनेत्रा पवारच?
Baramati lok sabha election 2024 : सुप्रिया सुळे यांच्याविरुद्ध सुनेत्रा पवार निवडणुकीच्या रिंगणात उतरण्याची शक्यता बळावली आहे... गेल्या काही दिवसांपासून तशाच घडामोडी घडताना दिसत आहेत...
ADVERTISEMENT
Baramati Lok Sabha 2024 Election : (वसंत पवार, बारामती) महाराष्ट्रात लोकसभेची सर्वात हायव्होल्टेज लढत बारामती मतदारसंघात बघायला मिळणार असंच दिसत आहे. गेल्या काही दिवसांपासून अशा घडामोडी घडत असून, आता अजित पवारांच्या पत्नी सुनेत्रा पवारच सुप्रिया सुळेंविरुद्ध मैदानात असणार, हे चित्र स्पष्ट होऊ लागलं आहे. बारामतीत लोकसभा मतदारसंघात नेमकं काय राजकारण घडतंय आणि त्याचे अर्थ काय, हेच जाणून घ्या...
अजित पवार बारामतीतून आपला खासदार जिंकून आणण्याचा निर्धार बोलून दाखवत आहेत. पण, त्यांचा उमेदवार कोण असणार? एका कार्यक्रमात अजित पवारांनी मीच उमेदवार आहे, असं समजून मतदान करा असं सांगितलं. पण, यानंतर जे नाव चर्चेत आलं, ते सुनेत्रा पवार यांचं.
कुल कुटुंब आणि अजित पवार कुटुंबातील भेटीगाठी
सुप्रिया सुळे यांच्याविरुद्ध सुनेत्रा पवार निवडणूक लढवणार या चर्चेला हवा मिळाली, ती प्रचाररथ आणि झळकलेल्या बॅनर्संनी. सुनेत्रा पवारांचे बॅनर्स बारामतीत लावण्यात आले. त्यानंतर एका भेटीने पुन्हा सुनेत्रा पवार यांचं नाव चर्चेत आलं. २०१९ मध्ये सुप्रिया सुळे यांच्याविरुद्ध निवडणूक लढवलेल्या कांचन कुल यांनी काही दिवसापूर्वी सुनेत्रा पवार यांची भेट घेतली. यावेळी आमदार राहुल कुलही होते.
सुनेत्रा पवारांचं भाषण...
सुप्रिया सुळेंविरुद्ध सुनेत्रा पवारचं असणार या शक्यतांना आणखी बळ मिळाले ते सुनेत्रा पवार यांच्या भाषणाने. बारामतीत एक कार्यक्रम झाला. या कार्यक्रमात बोलताना सुनेत्रा पवारांनी जे भाषण केलं.
