बाबर आजम हनी ट्रॅपमध्ये फसला?; फोटो आणि व्हिडीओ वायरल

एका असा व्हीडिओ व्हायरल झाला आहे की, ज्यामुळे पाकिस्तानचा क्रिकेटर वादाच्या भोवऱ्यात सापडला आहे. व्हिडिओमध्ये दिसणारा व्यक्ती बाबर आझम असून तो एका मुलीसोबत व्हिडिओ चॅट करताना दिसत आहे.
पाकिस्तानचा क्रिकेटर बाबर आजम हनी ट्रॅपमध्ये फसला?
पाकिस्तानचा क्रिकेटर बाबर आजम हनी ट्रॅपमध्ये फसला?

पाकिस्तानचा कर्णधार बाबर आझम सतत अडचणीत येत आहे. मायदेशात एकदिवसीय आणि कसोटी मालिका गमावल्यानंतर आता त्याच्या कर्णधारपदावरही बोटे उचलली जात आहेत. पाकिस्तान क्रिकेट बोर्डाचे (पीसीबी) नवे अध्यक्ष नजम सेठी आणि व्यवस्थापन लवकरच बाबरला तिन्ही फॉरमॅटच्या कर्णधारपदावरून हटवू शकते, असे वृत्तात म्हटले जात आहे.

या सर्व अटकळांमध्ये बाबर आझमसाठी आणखी एक मोठी अडचण समोर आली आहे. सोशल मीडियावर काही वैयक्तिक व्हिडिओ आणि फोटो व्हायरल होत आहेत, ज्यामध्ये बाबर आझम दिसत असल्याचा दावा केला जात आहे. बाबर हनी ट्रॅपमध्ये अडकल्याचा दावाही केला जात आहे.

सोशल मीडियावर व्हिडिओ-फोटो व्हायरल

@niiravmodi अकाउंटवरून ट्विटरवर एक व्हिडिओ आणि फोटो शेअर करण्यात आला आहे. असा दावा करण्यात आला आहे की व्हिडिओमध्ये दिसणारा व्यक्ती बाबर आझम असून तो एका मुलीसोबत व्हिडिओ चॅट करताना दिसत आहे. एका इंस्टाग्राम पोस्टचा स्क्रीनशॉट देखील शेअर करण्यात आला होता, जो eish.arajput1 अकाऊंटने शेअर केल्याचे दिसते.

पाकिस्तान संघाची खराब कामगिरी

बाबर आझम सध्या पाकिस्तान संघाच्या तिन्ही फॉरमॅटचा (कसोटी, एकदिवसीय आणि टी20) कर्णधार आहे. अलीकडेच त्याच्या नेतृत्वाखाली पाकिस्तान संघाला मायदेशात इंग्लंडविरुद्धच्या कसोटी मालिकेत 0-3 असा पराभव स्वीकारावा लागला होता. पाकिस्तानच्या क्रिकेटच्या इतिहासात पहिल्यांदाच असे घडले, जेव्हा पाकिस्तानने आपल्याच घरात व्हाईट वॉश करून कसोटी मालिका गमावली.

यानंतर न्यूझीलंडचा संघ पाकिस्तानच्या दौऱ्यावर गेला. त्यानंतर किवी संघाने दोन कसोटी सामन्यांची मालिका खेळली, ज्यामध्ये पाकिस्तानने दोन्ही वेळा पराभव टाळला. कसा तरी पाकिस्तान संघाने दोन्ही कसोटी अनिर्णित राहून मालिका बरोबरीत संपवली. मात्र तीन सामन्यांच्या वनडे मालिकेतील पराभव टाळता आला नाही. न्यूझीलंडने त्यांच्या घरच्या मैदानावर तीन सामन्यांच्या वनडे मालिकेत पाकिस्तानचा 2-1 असा पराभव केला. या खराब कामगिरीमुळे बाबरचे कर्णधारपद धोक्यात आले आहे.

Related Stories

No stories found.
logo
Mumbai Tak
www.mumbaitak.in