कर्नाटकचा ३२ वर्षीय अनकॅप प्लेअर कृष्णप्पा गौथमने चेन्नईत सुरु असलेल्या आयपीएल ऑक्शनमध्ये विक्रमाची नोंद केली आहे. कर्नाटकच्या या अनुभवी अष्टपैलू खेळाडूसाठी चेन्नई सुपरकिंग्जने तब्बल ९ कोटी २५ लाख रुपये मोजले आहेत. यासोबत गौथम आयपीएलच्या इतिहासातला सर्वात महागडा अनकॅप खेळाडू ठरला आहे.
Krishn-Appa waking us up at the #SuperAuction! #WhistlePodu #Yellove #SuperAuction ?? pic.twitter.com/4EsuxCLAlH
— Chennai Super Kings (@ChennaiIPL) February 18, 2021
आयपीएल २०२० नंतर पंजाबच्या संघाने कृष्णप्पा गौथमला संघातून रिलीज केलं होतं. याआधी आयपीएलमध्ये सर्वात महागडा अनकॅप खेळाडू ठरण्याचा मान मुंबई इंडियन्सच्या कृणाल पांड्याच्या नावावर जमा होता. कृणालसाठी मुंबईने २०१८ साली ८ कोटी ८० लाख रुपये मोजले होते. कृष्णप्पा गौथमला संघात दाखल करुन घेण्यासाठी कोलकाता नाईट रायडर्स, रॉयल चॅलेंजर्स बंगळुरु हे संघही शर्यतीत होते.
After a three-team bidding war, K Gowtham joined @ChennaiIPL for INR 9.25 Cr. ⚡️⚡️@Vivo_India #IPLAuction pic.twitter.com/DO5IMJOOV3
— IndianPremierLeague (@IPL) February 18, 2021
कृष्णप्पा गौथमने मुंबई इंडियन्सकडून आयपीएलमध्ये पदार्पण केलं होतं. २०१८ साली त्याने १३ विकेट घेतल्या होत्या. आयपीएलव्यतिरीक्त स्थानिक क्रिकेटमध्ये कर्नाटककडून खेळण्याचा चांगला अनुभव गौथमच्या पाठीशी आहे.
अवश्य वाचा – CSK ची सरप्राईज खेळी, ५० लाखांच्या बोलीवर पुजाराला संघात स्थान
