मुलीची फी परत मागायला गेला शेतकरी बाप; शाळेच्या संस्थाचालकाने केली मारहाण अन्...
महाराष्ट्रातील परभणी जिल्ह्यातून मुलीची फी परत करण्यावरून मुलीचे वडील आणि शाळेच्या प्रशासनातील सदस्यांमध्ये मोठा वाद झाला आणि या वादातून मुलीच्या वडिलांची हत्या झाल्याचं धक्कादायक वृत्त समोर आलं आहे.
ADVERTISEMENT
बातम्या हायलाइट
शाळेच्या संस्थाचालकांनी केली मुलीच्या वडिलांना मारहाण
फी परत मागायला गेले असता वडिलांना जीव जाईपर्यंत मारहाण
परभणीच्या शाळेतील धक्कादायक बातमी
Maharashtra News: महाराष्ट्रातील परभणी जिल्ह्यातून एक धक्कादायक घटना समोर आली आहे. एका शेतकरी वडिलांना शाळेतून आपल्या मुलीचं ट्रान्सफर सर्टिफिकेट आणि फी परत मागायला जाणं महागात पडलं आहे. आपल्या मुलीची फी परत करण्यावरून मुलीचे वडील आणि शाळेच्या प्रशासनातील सदस्यांमध्ये मोठा वाद झाला आणि या वादातून मुलीच्या वडिलांची हत्या झाल्याचं धक्कादायक वृत्त समोर आलं आहे. या प्रकरणा संदर्भात पोलिसांनी हत्येचा गुन्हा नोंदवला असून घटनेचा तपास सुरू करण्यात आल्याची माहिती समोर आली आहे.
ट्रान्सफर सर्टिफिकेट आणि फी परत करण्याची मागणी
एजन्सीने दिलेल्या माहितीनुसार, ही घटना परभणी जिल्ह्याच्या पूर्णा तहसीलच्या झिरो मार्गावर घडली आहे. या प्रकरणातील मृत व्यक्तीचं नाव जगन्नाथ हेंगडे असल्याची माहिती समोर आली आहे. हेंगडे यांची मुलगी पल्लवी परभणीतील हायटेक रेसिडेन्शियल स्कूलमध्ये शिकत होती. या शाळेतील वसतिगृहात ती राहत असून तिला तिथे करमत नसल्याने ती पुन्हा गावी निघून आली. हायटेक रेसिडेन्शियल स्कूलमध्ये पुढील शिक्षण करण्याची मुलीची इच्छा नसल्यामुळे 42 वर्षीय जगन्नाथ यांनी आपल्या मुलीच्या शाळेत मुलीचं ट्रान्सफर सर्टिफिकेट आणि भरलेली फी परत करण्याची मागणी केली.
शाळेच्या संचालकांसोबत वाद
मुलीचे वडील शाळेत गेले असता त्यांची शाळेचे संस्थाचालक आणि त्यांच्या पत्नीशी वडिलांची भेट झाली. शाळेच्या संस्थाचालकाची पत्नी ही कोणत्या राजकीय पक्षाशी संबंधित असल्याचं सांगितलं जात आहे. तसेच परभणीतील हायटेक रेसिडेन्शियल स्कून हिंगोली जिल्हा परिषदेच्या माजी शिक्षण सभापतींची आहे.
हे ही वाचा: मोठी बातमी: पवार कुटुंबाला मोठा धक्का! ED च्या आरोपपत्रात थेट रोहित पवारांचं नाव; काय आहे नेमकं प्रकरण?
वादातून मुलीच्या वडिलांना मारहाण
पोलीस अधिकाऱ्यांनी दिलेल्या माहितीनुसार, हेंगडे यांनी शाळेच्या प्रशासनाकडे मुलीचं ट्रान्सफर सर्टिफिकेट आणि भरलेली फी परत करण्याची मागणी केली. या कारणावरून मुलीच्या वडिलांचे शाळेचे संस्थाचालक प्रभाकर चव्हाण आणि त्यांची पत्नी रत्नमाला चव्हाण यांच्यासोबत वाद झाले. हा वाद टोकाला पोहोचला आणि संस्थाचालक असलेल्या दांपत्याने हेंगडे यांना बेदम मारहाण केली. यामध्ये मुलीच्या वडिलांचा दुर्दैवी मृत्यू झाला. या प्रकरणी संस्थाचालकांविरोधात पूर्णा पोलीस स्टेशनमध्ये गुन्हा दाखल करण्यात आला आहे.
हे ही वाचा: 6 वर्ष छोट्या तरुणासोबतच्या अनैतिक संबंधाला चटावलेली बीना, पती घरी असतानाही त्याला बोलवायची अन्..
मृत व्यक्तीच्या पत्नीची मागणी
मिळालेल्या माहितीनुसार, शाळेतच आपल्या पतीचा जीव घेणाऱ्या संस्थाचालकांना फाशीची शिक्षा देण्याची मृत हेंगडेच्या पत्नीने मागणी केली आहे. परभणीत घडलेल्या या घटनेने संपूर्ण शहरात एकच खळबळ माजली आहे.
हे वाचलं का?
