13 वर्षाच्या मुलाने 10 वर्षाच्या मुलीला मक्याच्या शेतात नेत केले अत्याचार, नंतर गळा चिरून संपवलं

हे ही वाचा : बहिणीच्या प्रेमविवाहावर भाऊ संतापला, तरुणाने दाजीला बोलेरोने जागीच चिरडलं.... भयंकर कांड

मुलीचा मृतदेह मक्याच्या शेतात आढळला

शनिवारी दुपारपासून मुलगी ही बेपत्ता होती. कुटुंबाने शोध घेतला असता, याबाबत कोणालाही काहीही माहिती मिळाली नाही. रविवारी सकाळी कुटुंबाने पोलीस अधिकाऱ्यांना घटनेची माहिती दिली होती. पोलिसांनी तपास केला असता, मुलीचा मृतदेह हा मक्याच्या शेतात आढळून आला होता. पोलिसांनी घटनास्थळी दाखल होऊन तपास केला, मुलीचा गळा चिरून खून करण्यात आल्याचे आढळले. 

मुलीसोबत काही गैरकृत्य झाल्याची शक्यता असल्याचे पोलिसांनी सांगितले. शवविच्छेदन अहवाल आल्यानंतर याची पुष्टी देखील करता येईल. तपासादरम्यान, पोलिसांनी शेताकडे येणाऱ्या-जाणाऱ्या लोकांचीही चौकशी केली. या क्रमाने, एक अल्पवयीन मुलाला ताब्यात घेत चौकशी करण्यात आली, त्यानंतर हे प्रकरण बाहेर आले.  

पीडितेला शेतात नेत अत्याचार केला

चौकशीदरम्यान मृताने तिच्या कुटुंबाला ड्रग्जच्या व्यसनाबाबत सांगितले होते, यामुळे तो संतापून गेला होता. याच कारणास्तव त्याने तिला शेतात नेऊन अत्याचार केला. संबंधित प्रकरणाच्या घटनेला दुजोरा देत उपविभागीय पोलिसांनी सांगितलं की, मृतदेह शवविच्छेदनासाठी पाठवण्यात आला.