भाजपच्या दबावाने कार्यकर्त्याचा अर्ज माघारी, शिंदेंमध्ये मुख्यमंत्री होण्याचे गट्स तरी आहेत का? सुषमा अंधारेंचा सवाल

Sushma Andhare on Eknath Shinde, मुंबई : "शेतकऱ्यांची झुंज जन्म-मरणाच्या प्रश्नांची सुरु आहे. शिंदे-फडणवीसांची झुंज खुर्चीसाठी सुरु आहे. एका बाजूला शिंदेंचे मंत्री सांगतात आमचे मुख्यमंत्री होणार आहेत. मात्र, तुमचे साहेब मुख्यमंत्री झाले तर देवेंद्र फडणवीस कुठे जाणार? यावर चकार शब्द काढत नाहीत. त्यांच्या साहेबांमध्ये मुख्यमंत्री होण्याचे गट्स तरी आहेत काय? कारण त्यांना पुणे शिक्षक मतदारसंघाचा उमेदवाराचा (मंगेश चिवटे) अर्ज वाचवता आला नाही. भाजपचा दबाव येताच अर्ज माघारी घ्यावा लागतो. मग तुम्ही कार्यकर्त्याच्या पाठीशी उभे राहू शकत नाहीत. त्यांच्याकडे काय मुख्यमंत्री होण्याचे गट्स आहेत?", असा सवाल ठाकरे गटाच्या नेत्या सुषमा अंधारे यांनी केला. त्या ठाकरेंच्या दसरा मेळाव्यात बोलत होत्या.