CSK vs MI: मुंबई इंडियन्सच्या 4 दिग्गज फलंदाजांना माघारी पाठवणारा नूर अहमद आहे तरी कोण?
Noor Ahmad: Chennai Super Kings spinner Noor Ahmad has done a great job by taking 4 wickets in the match against Mumbai Indians. Find out who this young cricketer is.
ADVERTISEMENT
Who is Noor Ahmad: चेन्नई: इंडियन प्रीमियर लीग (IPL) 2025 च्या तिसऱ्या सामन्यात चेन्नई सुपर किंग्ज (CSK) आणि मुंबई इंडियन्स (MI) यांच्यातील रोमांचक लढतीत नूर अहमद या युवा खेळाडूने सर्वांचे लक्ष वेधून घेतले आहे. अफगाणिस्तानच्या या 20 वर्षीय डावखुरा चायनामन फिरकीपटूने आपल्या घातक गोलंदाजीने मुंबई इंडियन्सच्या फलंदाजीला भलं मोठं खिंडार पाडलं. ज्यामुळे चेन्नईने आपल्या पहिल्याच सामन्यात मोठा विजय मिळवला. नूरने 4 षटकांत केवळ 18 धावा देत 4 विकेट्स घेतल्या आणि चेन्नईला 4 विकेट्सने विजय मिळवून दिला. या कामगिरीमुळे नूर अहमदची सर्वत्र चर्चा सुरू झाली आहे. नूर अहमद कोण आहे याबाबत जाणून घ्या.
चायनामन नूर अहमद आहे तरी कोण?
नूर अहमद लकनवाल याचा जन्म 3 जानेवारी 2005 रोजी अफगाणिस्तानच्या हेरात प्रांतात झाला. वयाच्या अवघ्या 20 व्या वर्षी त्याने क्रिकेट विश्वात आपली छाप पाडली आहे. डावखुरा चायनामन फिरकी गोलंदाज म्हणून तो ओळखला जातो. ही गोलंदाजी शैली अत्यंत दुर्मिळ आहे. कारण जगभरात डावखुरे लेग स्पिनर हे अत्यंत कमी असतात. त्यामुळे नूर हा अधिकच स्पेशल ठरतो.
हे ही वाचा>> IPL 2025: 45 चेंडूत शतक ठोकणारा ईशान किशन आहे तरी कोण.. त्याची 'ही' गोष्ट तुम्हाला माहितीए?
नूरने आपल्या गोलंदाजीतील अचूकतेने आणि विविधतेने फलंदाजांना नेहमीच संभ्रमात टाकलं आहे. नूरने 2022 मध्ये अफगाणिस्तानकडून आंतरराष्ट्रीय क्रिकेटमध्ये पदार्पण केले आणि त्यानंतर तो आपल्या प्रतिभेचा ठसा उमटवत वेगवेगळ्या टी-२० लीगमध्ये खेळला.
क्रिकेटमधील सुरुवात
नूरचा क्रिकेटमधील प्रवास लहान वयातच सुरू झाला. स्थानिक पातळीवर खेळताना त्याने आपल्या फिरकी गोलंदाजीने सर्वांचे लक्ष वेधले. 2019 मध्ये त्याने प्रथम श्रेणी क्रिकेटमध्ये पदार्पण केले आणि त्याच वर्षी अफगाणिस्तानच्या अंडर-19 संघात स्थान मिळवले. 2020 च्या अंडर-19 विश्वचषकात त्याने आपली प्रतिभा दाखवली आणि त्यानंतर त्याला बिग बॅश लीग (BBL) मध्ये मेलबर्न रेनेगेड्सकडून खेळण्याची संधी मिळाली.
हे वाचलं का?
